web counter
LEXO PA REKLAMA!

SHKARKO APP

App Store
Google Play

Harta gjyqësore/ Avokati Muçi: Nuk do të ketë drejtësi, do të rrisë shpenzimet e qytetarëve

13 Qershor 2022, 17:50, Aktualitet CNA
Harta gjyqësore/ Avokati Muçi: Nuk do të ketë
Avokati Besnik Muçi

Harta e re gjyqësore, e miratuar nga KLGJ-ja, vlerësohet si e pa përshtatshme për qytetarët. Avokati Besnik Muçi, shprehet se qeveria me këtë ndryshim, ka vendosur që ti rrisë shpenzimet qytetarëve.

‘I detyron qytetarët nga çdo cep i Shqipërisë të vijnë në Gjykatën e Apelit në Tiranë. Kjo është një hartë e re gjyqësore për qeverinë, jo për qytetarët. Po ta shikosh me vëmendje raportin e paraqitur nga KLGJ, shqetësimi kryesor në çdo faqe të këtij raporti, janë shpenzimet e mëdha të tyre. Pa mundësinë e KLGJ-së për të mbuluar me dieta, për të mbajtur në funksion Gjykatat e Apelit”, shprehet Muçi, duke komentuar për Syri tv.

Më tek avokati thekson se, shqetësimi i tyre është mungesa e mjeteve financiare për të mbajtur sistemin e drejtësisë.  

“Duke mos pasur mundësi qeveria që të mbulojë shpenzimet gjyqësore, këtë shpenzim ua kalon qytetarëve me këtë hartë. I detyron qytetarët nga çdo cep i Shqipërisë të vijnë në Gjykatën e Apelit në Tiranë. Do jetë objektivisht e pamundur për qytetarët të vijnë në Apel.

Duke ia hequr mundësinë që të vijë në gjykatë, i heq të drejtën që të ketë akses në drejtësi”, theksoi avokati Muçi./CNA.al





Lajmet e fundit nga