Ndryshimi i hartës gjyqësore/ Vishaj refuzon bojkotin e seancave, çfarë masash pritet të merren ndaj tij

13 Qershor 2022, 18:39, Aktualitet CNA

Ndryshimi i hartës gjyqësore/ Vishaj refuzon bojkotin e seancave,

Saimir Vishaj

Avokatët e Fierit, Korçës dhe Kurbinit kanë njoftuar bojkotimin e seancave gjyqësore duke kundërshtuar hartën e re gjyqësore në vend që pritet t’i kalojë Këshillit të Ministrave.

Të njëjtën gjë, pritet të bëjnë edhe avokatët e Dhomës Tregëtare. Kryetari Maks Haxhia tha se bojkoti i seancave do të nis nga nesër, në datën 14 qershor.

Por kundër vendimit për bojkot ka dalë avokati Saimir Vishaj i cili tha se afati kësaj greve është shumë i shkurtër dhe dëmi që mund të shkaktojë në raport me qëllimin e saj është relevant.

CNA.al kontaktoi me avokatin Genc Gjokutaj, i cili pranoi se do të marrë nesër pjesë në grevën që do zhvillohet. Lidhur me deklaratën e Vishajt për bojkot, Gjokutaj tha se Shoqata e Avokatëve Penalistë që drejtohet nga Vishaj nuk është pjesë e Dhomës Kombëtare të Avokatisë.

Ai tha se avokatët e kësaj shoqate janë më parë anëtarë të Dhomës së Avokatëve, që më pas kanë hapur shoqatat e tyre.

Por si kundërpërgjigje ndaj avokatëve që nuk marrin pjesë në grevë, mund të ketë edhe heqje të licensës së ushtrimit të profesionit. Kështu deklaroi Genc Gjokutaj për CNA.al.

“Shoqata e Avokatëve Penalistë nuk është pjesë e Dhomës së Avokatëve Shqiptarë.

Saimir Vishaj ka bërë një status sot ku e bojkotojnë këtë. Ai e ka politike.

Avokatët së pari janë anëtarë të Dhomës së Avokatisë, po nuk je anëtar i saj nuk je anëtar i një shoqate. Nëse ata nuk marrin pjesë do të penalizohen nga Dhoma e Avokatëve deri në heqje license. Plus ai reagimin e tij e ka të paarsyetuar. Qëllimi i grevës është tërheqja nga ky vendim. Nëse ata do tërhiqen spekti i pjesëmarrjes do të jetë i gjerë. Si akt i parë është tërheqja. Nëse nuk tërhiqen, thuaj ccfarë të duash.

Avokatët do dalin në grevë por ata që preken do të jenë qytetarët, të cilëve do u zvarriten gjyqet si penale ashtu edhe civile. Kjo mund të përshkallëzohet nuk e dimë si do shkoj”, tha Gjokutaj.

Më tej avokati deklaroi se modeli që persupozohet se po ndiqet është ai i Norvegjisë dhe Holandës.

“Harta do e shkatërroj fare. Do zvarriten gjykimet. Këta thonë si model Norvegjia dhe Holanda. Këtu s’ka autobuz të shkosh në fshatra, jo më këto që thonë”, tha Gjokutaj./E.K-CNA.al