web counter
LEXO PA REKLAMA!

SHKARKO APP

App Store
Google Play

E fundit!

x

Çudira shqiptare/ Në vendin më të korruptuar, vetë të korruptuarit mblidhen e flasin për antikorrupsionin

13 Qershor 2022, 18:42, Aktualitet CNA
Çudira shqiptare/ Në vendin më të korruptuar, vetë
Takimi antikorrupsion i qeverise Rama

Vetëm në Shqipëri, ndodh që të mbahet një “Konferencë Antikorrupsion”, dhe të ulen në një panel, Kryeministri, Ambasadorja e SHBA, ministra e deputet dhe të shpalosin platforma antikorrupsion sikur gjithçka shkon vaj në këtë vend.  

Diskutimet megallomane për luftën antikorrupsion në vend, vijnë në një kohë kur shqiptarëve nga ministra, deputet e zyrarë të lartë të këtij vendi, u janë vjedhur miliona  e miliona euro.

A do të flasë njëri në konferencën antikorrupsion për tenderin e inceneratorëve, të gllabëruar nga ministra e zyrtarë të lartë të PS ?!

A do flasë njëri në këtë konferencë për tenderat e rrugëve?!

Për tenderat e pronave të ushtrisë?!

Për tenderin e energjisë elektrike?!

Për pronat të bregdet?!

Për tenderin e uniformave të policisë?!

Për lejet e ndertimit në kryeqytet?!

Për shumë e shumë tendera të tjerë, që po të hysh t'i numërosh të gjithë duhet një natë dimri.

Të gjithë e dimë se vjedhjet në këtë vend me shkresa zyrare janë galopante, sepse vidhet edhe për të blerë shpenzime kancelarike nëpër zyra, e komjutera, po ti shikosh tenderat shumat marramendëse që shpenzohen për ta, vë duart në kokë.

Paskemi qenë shtet i fortë, që jemi akoma në këmbë. Se ne vjedhim edhe kur blejmë një leckë për të larë dyshemenë, dhe atë e blejme me tender sa pesëfishin e çmimit normal në treg.

Ne jemi vend i çudirave, vetem te ne ndodh që trumbetojmë sukses antikorrupsionin, kur gjysma e zyrtarëve akuzohen për korrupsion dhe një pjesë janë ende pas hekurave, ndërkohë që ka plot të tjerë ministra e drejtore që janë akoma në postë zyrtare dhe me siguri do të referojnë sot në konferencë./CNA.al





Lajmet e fundit nga