web counter
LEXO PA REKLAMA!

SHKARKO APP

App Store
Google Play

Komisioneri i BE-së: Janë dhënë 75 mln euro për arsim

13 Qershor 2022, 23:02, Aktualitet CNA
Komisioneri i BE-së: Janë dhënë 75 mln euro për arsim
Komisioneri i Bashkimit Europian për Menaxhimin e Krizave, Janez Lenarcic

Komisioneri i Bashkimit Europian për Menaxhimin e Krizave, Janez Lenarcic, zhvilloi një takim me kreun e qeverisë Edi Rama këtë të hënë dhe pati një konferencë të përbashkët për shtyp nga selia e Kryeministrisë.

Pyetur nga ”Euronews Albania” se sa ëshë shuma e dhënë nga Bashkimi Europian për rindërtimin, Lenarcic theksoi se kjo nuk lidhet drejtpërdrejt me mandatin e tij, por bëri me dije se unioni ka dhënë një fond prej 75 milionë eurosh për rindërtimin e kopshteve dhe shkollave.

”Kjo është një fushë e cila nuk është në mënyrë të drejtpërdrejtë pjesë e mandatit tim, megjithatë unë kam dëshirë që të shoh se si kanë ecur punët. Nesër në mëngjes unë do të shkoj për vizitë në disa prej ambienteve të cilat janë financuar me anën e fondeve për rindërtim që ka dhënë Bashkimi Europian. Do të shkoj në një kopsht nesër në Durrës, që është ndërtuar me fondet e BE. Gjithsej 75 milionë euro janë dhënë nga BE për rindërtimin e shkollave, kopshteve dhe të 11 bashkitë e prekura nga tërmeti kanë përfituar nga këto fonde”, tha ai.

Komisioneri nënvizoi se Bashkimi Europian ka financuar edhe 40 milionë euro për rehabilitimnin e monumenteve të kulturës, në kuadër të programit BE për kulturën.

Sipas tij, shumica e projekteve tashmë ka përfunduar dhe ato që kanë mbetur do të mbarojnë në fund të këtij viti.





Lajmet e fundit nga