web counter
LEXO PA REKLAMA!

SHKARKO APP

App Store
Google Play

E fundit!

x

“Ju tërheq zvarrë, halabakë”/ Kallëzohet në Prokurori drejtori i policisë bashkiake

14 Qershor 2022, 10:23, Aktualitet CNA

“Ju tërheq zvarrë, halabakë”/ Kallëzohet në

Tre punonjësit e kompanisë së internetit në Lezhë kanë kallëzuar penalisht në Prokurori drejtorin e policisë bashkiake Leonard Palin, për fyerje dhe dhunë ndaj tyre.

Ndue Pjetri, Ervis Figuri dhe Fatbardh Media deklarojnë se rreth orës 10:00 të datës 11.06.2022 kanë qenë duke punuar për llogari të sipëmarrësit Ded Bukaqeja në një kanal për të instaluar fibrat optike, pasi firma ka një rrjet të shpërndarjes së internetit.

Në moment është afruar makina e policisë bashkiake nga ku ka dalë edhe drejtori i policisë, Pali.

“A u kemi thënë mos punoni më, leni punën na tha dhe filloj duke na sharë. Pasi tha mos punoni u ula për të prere tubin për të ndaluar punën dhe ky polic bashkiak më ka fyer me fjalë të rënda dhe më kapi për rrobash dhe mi grisi.

Përdori fjalë fyese si “halabakë”, “bythqira”, “ju tërheq zvarrë”, dhe shumë fjalë të tjera të rënda që e kemi ndjere ndjerë veten të poshtëruar prej tij”, ka deklaruar një prej punonjësve, Ndue Pjetri.

Nga ana tjetër, zyra e shtypit në Bashkinë Lezhë pretendon se kompania në fjalë ka shkelur ligjin, duke kryer punime pa leje dhe nuk ka bërë asnjë kërkesë për zgjatje afati të lejes në bashki.

Sipas tyre në rastin e fundit kompania ka kryer punime përgjatë trotuarit të Kunes në kanalin e hapur pa marrë asnjë konfirmim dhe pa asnjë të drejtë shfrytëzimi nga ana e bashkisë./ CNA.al





Lajmet e fundit nga