web counter
LEXO PA REKLAMA!

SHKARKO APP

App Store
Google Play

E fundit!

x

Rroftë konferenca antikorrupsion/ Paloka: Ja sa kushton udhëtimi i Ramës në Kiev

14 Qershor 2022, 19:33, Aktualitet CNA
Rroftë konferenca antikorrupsion/ Paloka: Ja sa kushton udhëtimi i
Kryeministri Rama dhe kryeministri Abazoviç

Kryetari i Këshillit Kombëtar të PD-së Edi Paloka ka ironizuar vizitën e kryeministri Rama në Kiev, duke u shprehur se në kohë krize, udhëton me avion personal.

Në këtë udhëtim Rama është i shoqëruar nga Kryeministri i Malit të Zi Dritan Abazoviç.

Në reagimin e tij në Facebook, deputeti Edi Paloka shprehet se, “personalitetet më të larta të BE udhëtojnë me avionë linje. Shumë shtete të fuqishme nuk kanë avionë qeveritarë po edhe në rastet kur përdorin avione charter për delegacione të caktuara, ata janë avionë të vegjël 10-12 vendesh, shpenzimet e të cilëve janë shumë më të ulta krahasuar me avionin 200 vendësh që përdor Rama për udhëtimet e tij”.

Paloka bën të ditur se, “një nga avionet e ardhur nga Turqia si Air Albania ( në fakt Turkysh Airline) që Rama e ka quajtur “Ismail Qemali”, është vënë tërësisht në dispozicion të Rames dhe familjes apo haremit të tij qeveritar, sipas rastit”.

Avioni, - shprehet Paloka, - është transformuar krejtësisht nga brenda dhe praktikisht është kthyer në një charter gjigand luksi

“Rama ndërkohë ka treguar se i pëlqen të udhëtojë aq sa ka patur periudha kur në dy muaj ka qenë vetëm një javë në Shqipëri ku merr edhe rrogë si kryeministër. 10 ditët e fundit ka udhëtuar të paktën tre herë”, thekson deputeti demokrat.

Duke u ndalur tek udhëtimi drejt Kievit,- Paloka shprehet se, - praktikisht kushton mbi 100 mijë dollarë pa llogaritur parkimin e avionit ( për ditë qëndrimi), i cili është po ashtu shumë i shtrenjtë.

Të gjitha këto, - tha deputeti i PD-së, - i paguan populli më i varfër në Evropë për sulltanin e tij!

“Rroftë konferenca antikorrupsion dhe përkushtimi  “i stermadh” i qeverisë kundër korrupsionit”, tha Paloka./CNA.al

Rroftë konferenca antikorrupsion/ Paloka: Ja sa kushton udhëtimi i





Lajmet e fundit nga