web counter
LEXO PA REKLAMA!

SHKARKO APP

App Store
Google Play

E fundit!

x

‘Plas’ keq mes avokatëve/ Ngjela nuk le të flasë Fatmir Brakën: Kam audiencë më të lartë

14 Qershor 2022, 22:07, Aktualitet CNA
‘Plas’ keq mes avokatëve/ Ngjela nuk le të flasë
Avokatët Spartak Ngjela dhe Fatmir Braka

Një debat i ashpër është regjistruar mes avokatëve Spartak Ngjela dhe Fatmir Braka, teksa kanë qenë duke diskutuar për hartën e re gjyqësore.

Ngjela ka bërë një analizë në lidhje me këtë vendim të KLGJ-së, ndërsa pas tij e mori fjalën e mori Braka.

Por pavarësisht se përfundoi mendimin e tij, Ngjela ka ndërhyrë dhe nuk ka lënë të flasë kolegun, duke shkaktuar pakënaqësi te ky i fundit dhe për rrjedhojë “përplasje”.

Ngjela nuk ka lënë Brakën të flasë me pretendimin se ka më shumë audiencë, ndërsa është dashur ndërhyrja e moderatores së "Open" Eni Vasili për të shuar debatin.

Pjesë nga debati:

Fatmir Braka: Dua të sqaroj se s’ka lidhje me politikën, absolutisht jo. Avokatia s’ka qenë pjesë e politikës.

Spartak Ngjela: E ka KLGJ në dorë, s’kemi ne gjë në dorë

Braka: Këtë e dimë, por të lutem… të flasim dhe ne, sepse s’ka lidhje fare. Anglia për saktësim, ka mbi 30 gjykata nuk ka vetëm një, nuk hyj në këtë debat por s’ka një gjykatë apeli. Nuk bëhet fjalë për avokatët, por qytetarët…

Ngjela: Ç’punë ke ti?

Braka: Si ç’punë kam unë? Jam aktor në vendimet e drejtësisë.

Ngjela: Dëgjoni mo dëgjoni, avokatia është profesion privat.

Ngjela: Po ç’hyn ti? Unë kam që në 1973 në avokati, dëgjoni mua me vëmendje… do dëgjosh mua tani? Po flet me sovranin e ligjit shqiptar këtu…

Braka: Nuk është kjo tema e diskutimit ç'a ke bërë ti tani.

Ngjela: Unë bëj vetëm monolog nuk bëj dialog!

Braka: Vazhdo me monologun tënd, por jemi në studio për dialog

Ngjela: Kam audiencën më të lartë në Shqipëri unë…

Braka: Ju dëgjuam…

Ngjela: Dhe një herë, po ju them se gjykata ka karakter metropolitikan…

Braka: E dëgjuam këtë!

Ngjela: Është aksiomë… zonjë dëgjo këtu, e kanë shprehur mendimin e tyre ata, unë s’bëj debat, unë jap mendimin tim.

Braka: Më lër ta sqaroj, u futët në diskutimin e zotit Braka!

Braka: Jo thashë që avokatia është profesion privat dhe KLGJ është organi absolut.

Braka: Të përgjigjet zoti Braka…

Braka: Kur kam qenë ministër i drejtësisë, kam kërkuar që reformën ta bënin me 12 gjykata.

Braka: Se e dija se korrupsioni ishte lëshuar si ujqër nga gjykatat…

Braka: Kam kërkuar 12, janë 13,  s’jam dakord me 13.

Braka: E kuptuam idenë tuaj,  lini të flasë zoti Braka tani./ B.A. - CNA.al





Lajmet e fundit nga