web counter
LEXO PA REKLAMA!

SHKARKO APP

App Store
Google Play

E fundit!

x

Ngjela zbulon marrëveshjen mes gjyqësorit dhe politikës/ Bën paralajmërimin e fortë

14 Qershor 2022, 23:02, Aktualitet CNA
Ngjela zbulon marrëveshjen mes gjyqësorit dhe politikës/ Bën
Avokati Spartak Ngjela

Avokati Spartak Ngjela ka bërë një paralajmërim të fortë, teksa ka zbuluar një marrëveshje të fshehur mes gjyqësorit dhe politikës.

Ngjela tha në emisionin “Open” se gjyqtarët në vend kanë bërë kërdinë, duke falsifikuar dhe grabitur rreth 60% të pronave.

Ai theksoi se Shqipëria do të dridhet e gjitha kur të dalin në sipërfaqe të dhëna për gjithçka që ka ndodhur.

“Do të keni parasysh, ekuacioni nuk është ky, ekuacioni është ky që po them unë: është pushtet gjyqësor i korruptuar deri në palcë. Ka qenë një pushtet tjetër me sekserë. Këto janë vlera negative të shoqërisë, nuk janë drejtësi. Ka filluar reforma në drejtësi, e cila ka ekskluduar rreth 60% të gjyqtarëve dhe duhet të jemi racionalë në atë që themi. Dëgjoni me vëmendje, janë falsifikuar 60% të pronave, janë grabitur mbi 60% e pronave nga gjyqtarët, është bërë kërdi e madhe dhe po shkonim drejt falimentit. Nuk ka pasur drejtësi fare në Shqipëri.

Drejtësia ka qenë në një mjerim korruptiv vjedhjesh. Tani jemi në një reformë në drejtësi, që drejtohet nga Uashingtoni. Në këto momente ka dalë SPAK, por nuk mjafton. Kur të dëgjoni të dhëna se si korrupsioni është i bashkuar me krimin, do t’i dridhet mishi gjithë Shqipërisë. Do t’i dëgjoni, mos u mërzisni. Ishte tmerr. Nuk i ka ndodhur asnjë shoqërie kjo. Nga viti 1914 e deri para dy vitesh nuk ka pasur fare drejtësi në Shqipëri, por ka pasur mjelë të lopës dhe lopa ka qenë populli. Korrupsion gjigant, një marrëveshje e fshehur mes pushtetit gjyqësor dhe politikës”, deklaroi avokati./ B.A. – CNA.al





Lajmet e fundit nga