web counter
LEXO PA REKLAMA!

SHKARKO APP

App Store
Google Play

Gledis Nano takim me homogun grek në Athinë/ Zbardhen diskutimet

15 Qershor 2022, 16:26, Aktualitet CNA
Gledis Nano takim me homogun grek në Athinë/ Zbardhen diskutimet
Drejtori i Përgjithshëm i Policisë së Shtetit, Gledis Nano

Drejtori i Përgjithshëm i Policisë së Shtetit, Gledis Nano është duke zhvilluar një vizitë pune në Athinë. Nano u prit në një takim miqësor nga homologu i tij Konstantinos Skoumas.

Ata diskutuan për çështje me interes më të gjerë policor, duke theksuar nevojën për forcimin e kuadrit të përbashkët strategjik për luftën kundër krimeve të rënda, krimit të organizuar, trafikut të drogës, emigracionit të paligjshëm, si dhe për hetimin e  rasteve të vrasjeve.

Gjithashtu, gjatë takimit, nga të dy drejtorët e përgjithshëm u shpreh vullneti i ndërsjellë për ngritjen e nivelit të bashkëpunimit mes dy vendeve, në çështjet e sigurisë, bashkëpunimit policor, shkëmbimit të informacionit dhe realizimit të trajnimeve të përbashkëta.

Nano ka theksuar se Policia shqiptare është e mirorientuar dhe e vendosur për të bashkëpunuar me partnerët, në veçanti me vendet fqinje, për të rritur forcën parandaluese dhe goditëse ndaj krimit të organizuar dhe krimeve ndërkufitare.  

Në këtë takim morën pjesë edhe Drejtori i Menaxhimit dhe Analizës së Informacionit, Nikolaos Tsetsikas, Drejtori i Bashkëpunimit Ndërkombëtar Policor Ioannis Stavrakakis, shefi i Shtabit, zëvendësshefi i Shtabit, ndërsa nga Policia shqiptare morën pjesë Drejtori i Departamentit për Marrëdhëniet Ndërkombëtare, Pëllumb Seferi, Drejtori i Kabinetit të Drejtorit të Përgjithshëm, Kastriot Skënderaj dhe oficerja e kontaktit të Policisë shqiptare në Athinë, Eva Kollobani./ B.A. – CNA.al

Gledis Nano takim me homogun grek në Athinë/ Zbardhen diskutimet
Drejtori i Përgjithshëm i Policisë së Shtetit, Gledis Nano dhe homologu i tij Konstantinos Skoumas




Lajmet e fundit nga