I vjedhin telefonin dhe e akuzojnë për abuzim seksual/ 30-vjeçari tregon kalvarin me drejtësinë, paralajmëron vetëgjyqësi

18 Qershor 2022, 19:58, Aktualitet CNA

I vjedhin telefonin dhe e akuzojnë për abuzim seksual/

30-vjeçari Klevis Meta

30-vjeçari Klevis Meta ka bërë një denoncim në redaksinë e CNA.al, lidhur me një dënim që i është vendosur nga Gjykata e Elbasanit.

Meta tregoi për CNA.al se problemi i tij e ka zanafillën te vjedhja e një telefoni që ai posedonte nga shtetasja Pranvera Sefa.

Ai bën të ditur se i ka kërkuar Sefës që t’i kthente telefonin, ndërsa kjo e fundit i ka kërkuar shumën prej 10 mijë lekësh të reja, por i riu ka bërë një denoncim në polici për këtë ngjarje.

Meta rrëfeu se pas këtij hapi të tij, Pranvera Sefa e ka akuzuar për ngacmim seksual ndaj vajzës së saj të mitur, ndërsa pretendon se gruaja që i vodhi telefonin ka përgatitur një skenar me policinë dhe prokurorinë.

Një tjetër akuzë që është ngritur ndaj tij është edhe kundërshtim i punonjësit të policisë, kur ky i fundit ka kërkuar zgjidhje për situatën në komisariat.

“Kam tre vjet që kam një problem. Problemi ka nisur për një vjedhje celulari. Mua më dalin shumë akuza dhe shumë gjëra. Më dalin akuza nga personi Pranvera Sefa që më vodhi mua telefonin dhe më dalin edhe akuza për ngacmim. Këto akuza nuk janë hedhur poshtë nga personi që ka dhënë deklaratë të rremë, as nuk janë marrë masa. Këtu kemi një shantazh duke filluar nga punonjësit e policisë që më kanë bërë, që janë të kapur nga zonja. Pse them unë që kemi një skrenar të përgatitur? Policia dhe prokuroria e përdornin për prostitutë”, u shpreh ai, teksa pretendon se nuk ka ushtruar dhunë ndaj punonjësve të policisë.

I vjedhin telefonin dhe e akuzojnë për abuzim seksual/

Meta tregon për CNA.al se nga Gjykata e Elbasanit është dënuar me 4 muaj shërbim prove, por shprehet se nuk ka qenë në dijeni për seancën kur është dhënë vendimi i formës së prerë.

“Në gjykatë kur është dhënë urdhri i formës së prerë, unë as nuk jam njoftuar, as jam vënë në dijeni nga njeri. Kur unë marr vesh që jam dënuar me shërbim prove 4 muaj, kam vajtur te Shërbimi i Provës dhe pyeta për çfarë jam dënuar. Ata më thanë që duhet të pyesësh gjykatën.

Kur vete marr dhe njihem me dokumentat, aty mësoj se unë gjoja isha fajtori. Kur mora dokumentat ishte e drejta ime të ankimoja në shkallë Apeli në Durrës. Në atë moment që unë marr dokumentat, ishte bërë që unë të mos kisha shans të ankimoja”, theksoi 30-vjeçari.

I vjedhin telefonin dhe e akuzojnë për abuzim seksual/

Më tej, ai kërkoi 350 mijë euro nga gjykatësja që ka dhënë vendimin, nga shtetasja Pranvera Sefa dhe nga punonjësit e policisë që janë të përfshirë në çështjen gjyqësore.

Meta paralajmëroi se nëse çështja e tij nuk gjen zgjidhje, do të bëjë vetëgjyqësi.

“Unë desha 350 mijë euro, nuk më intereson, mua më intereson që më kanë rënë në qafë. Unë i dërgova provat, provat nuk mi pranon gjykata.

Nëse drejtësia nuk e zgjidh, do ta zgjidh vetë. I lutem Edi Ramës të merren masa, i lutem Presidentit të merren masa, i lutem prokurorit të merren masa, i lutem kryetarit të gjykatës të merren masa ndaj këtyre që përgatitën skenarin. Dhe këta që përgatitën skenarin, unë dua dëmshpërblim për dëmin për ulje imazhi dhe për shantazhin që më është bërë”, theksoi Meta./ B.A. – CNA.al