LEXO PA REKLAMA!

SHKARKO APP

Nga DSIK, SHISH dhe Ministria e Jashtme/ Institucionet që "mbyllën sytë" për motrën e Dumanit

18 Qershor 2022, 14:20, Aktualitet CNA

 

Nga DSIK, SHISH dhe Ministria e Jashtme/ Institucionet që
Nuredin Dumani në momentin e arrestimit

 

Tre institucione shtetërore në varësi të Kryeministrisë janë përfshirë në skandal.

Drejtoria e Informacionit të Klasifikuar, Shërbimi Informativ Shtetëtor dhe Ministria e Jashtme  kanë dërguar në NATO, motrën e Nuredin Dumanit.

Xhuljana  Agim Dumani, motra e vrasësit me pagesë që ka tronditur mbarë opinionin publik me rrëfimet mbi vrasjet mafioze, është pajisur me certifikatë sigurie të Nato-s me datë 06.06.2022.

SHISH është institucion qendror që varet nga Kryeministri dhe drejtohet nga Drejtori. DSIK është në varësi direkte të Kryeministrit, edhe Ministria e Jashtme  në varësi të Kryeministrit.

Tre treja këto instititucione heshturazi, kanë  dërguar në NATO, Xhuljana Dumanin.

T’i ofrosh në vitin 2022, NATO-s, me certifikatë sigurie motrën e  Nuredin Dumanit, të një killerit, do të thotë të  vësh në rrezik sigurinë kombëtare jo vetëm të vendin tonë por edhe të NATO-s.

Problemi nuk është Xhuljana Dumani si individ, ajo mund të jetë shumë e përgatitur, por problemi janë institucionet që lëshojnë certifikatën e sigurisë.

Nuredin Dumani, nuk doli sot, pasi ai ka qenë në kërkim, por problemi është se si Ministrja e Jashtme Olta Xhaka i ka dhënë Xhuljana Dumanit akses tek zyra e sekereteve të NATO-s.

 

Nga DSIK, SHISH dhe Ministria e Jashtme/ Institucionet që
Ministrja e Mbrojtjes Olta Xhaçka

 

Si janë lënë sekretet shtetërorë në duar të motrës së një krimineli. Në një vend normal, me një rast të tillë, nuk bien vetëm institucionet e përfshira, por drejtuesit e tyre shkojnë para drejtësisë.

Në qoftë se ky skandal depërton në NATO, Shqipëria ka disa përgjegjësi dhe këto institucione duhet të japin llogari se si në momentin kur vëllai i saj po rrëfehej, ata e pajisën me certifikatë sigurie të NATO-s.

Si merret certifikata e sigurimit

Drejtoria e Sigurimit të Informacionit të Klasifikuar, me cilësinë e Autoritetit të Sigurimit Kombëtar në fushën e informacionit te klasifikuar “sekret shtetëror”, të NATO-s, shteteve dhe organizatave të tjera ndërkombëtare, e ka certifikuar si të sigurtë Xhuljana Dumanin.

Nga DSIK, SHISH dhe Ministria e Jashtme/ Institucionet që

Sipas Ligjit  r. 8457, datë 11.2.1999 “Për informacionin e klasifikuar “sekret shtetëror””, i ndryshuar dhe Vendimin Nr. 188, datë 4.3.2015 të Këshillit të Ministrave “Për miratimin e rregullave për sigurimin e personelit”, DSIK lëshon certifikatë sigurie pasi administron përgjigjet zyrtare të Autoriteteve Verifikuese brenda vendit si  SHISH apo SHÇBA.

“Informacion i klasifikuar” është çdo dokument ose material, pavarësisht nga forma, natyra ose mënyra e transmetimit të tij, i përgatitur ose që përgatitet, për të cilin është vendosur një nivel i caktuar klasifikimi në interes të sigurisë kombëtare dhe në përputhje me legjislacionin në fuqi që kërkon mbrojtje ndaj çdo shkeljeje, shkatërrimi, përvetësimi, përhapjeje, humbjeje ose aksesi të ndonjë individi të paautorizuar dhe të çdo lloji tjetër kompromentimi sigurie.

Afati i përgjithshëm për kryerjen e procedurave të verifikimit fillon vetëm pas paraqitjes së plotë dhe pranimit të dokumentacionit nga ana e Drejtorisë së Sigurimit të Informacionit të Klasifikuar dhe zgjat deri në 120 ditë kalendarike.

Por, për Xhuljana Dumanin, kjo procedurë duket se është kryer shumë shpejt në kohë rekord, sapo ka nisur vëllai i saj Nuredin Dumani të zbërthehet në SPAK./CNA.al

Lajmet e fundit nga