LEXO PA REKLAMA!

SHKARKO APP

E fundit!

x

Skandali me motrën e Nuredin Dumanit/ Kush janë institucionet përgjegjëse që i dhanë certifikatën e sigurisë

18 Qershor 2022, 19:31, Aktualitet CNA
Skandali me motrën e Nuredin Dumanit/ Kush janë institucionet
Nuredin Dumani

CNA.al sot ka nxjerrë dokumentin ekskluziv ku tregon se motra e vrasësit me pagesë Nuredin Dumani, Xhuljana Dumani ka marrë certifikatën e sigurisë së NATO-s.

Pra e thënë ndryshe, Ministria e Jashtme, i ofron NATO-s si person sigurie motrën vrasësit.

Certifikata e sigurisë i është lëshuar në cilësinë e zyrtares së Ministrisë për Evropën dhe Punët e Jashtme, në Drejtorinë e NATO-s dhe është nënshkruar me datë 6.06.2022 për zonjën Xhuljana Agim Dumani nga Drejtori i Përgjithshëm i DSIK-ut, Dorian Tola.

Por tashmë po tregojmë se kush janë edhe institucionet përgjegjëse.

Si procedohet për të marrë një certifikatë sigurie?

Për të përfituar një certifikatë sigurie, më parë kalohet në disa etapa. Sipas ligjit, DSIK, si institucioni përgjegjës, administon më parë përgjigjet nga institucione të tjera, siç është SHISH, për të parë nëse një individ i plotëson kushtet e përcaktuara për njohjen, ruajtjen, administrimin dhe transferimin e informacionit të klasifikuar. Posedimi i këtij dokumenti përben një nga kriteret  që duhet të plotësojë një individ, përpara se të njihet me informacionin e klasifikuar.

Drejtuesit e institucionit kujtojnë se certifikata e sigurisë është një copë letër që mund ta marrë çdo njeri. Në vitin 2019, kur kryeministri EdI Rama komandoi Gent Cakajn si ministër të Jashtëm, Dorian Tola drejtori i DSIK i ka dhënë atij certifikatën e sigurisë për tre orë.

Sikur të mos mjaftonte skandali me Gent Cakajn, tashmë i  kanë dhënë certifikatë sigurie motrës së një vrasësi serial dhe ajo është në një zyrë sekrete, ku vijnë informacione nga agjencitë e huaja ligjzbatuese.

Si merret DSIK

DSIK për të dhënë një certifikatë sigurie, krijon një komision, ku shkojë përfaqësues të SHISH, SHIK Tiranë dhe pasi konfirmojnë informacionet e dala nga këto institucione, personi merr certifikatën e sigurisë.

Në këtë strukturë, kur i kanë dhënë certifikatën e sigurisë motrës së Nuredin Dumanit kanë qenë të gjitha këto institucione dhe këta persona janë të gjithëq përgjegjës, që nga kreu i SHIK-ut, kreu i DSIK-së, kreu i SHISH Tiranë, të cilët janë përfshirë në këtë skandal, duke dhënë një certifikatë sigurie.

Kush janë përgjegjësit? 

Përgjegjësit kryesor për skandalin e denoncuar nga CNA.al janë Helidon Bendo kreu i SHISH, drejtori i Drejtorisë së Vettingut dhe Sigurimit Industrial Mark Ndreca dhe Dorian Tola drejtor i DSIK.

Tani ose ata nuk kanë qenë në dijeni dhe e kanë dhënë nga padija, ose atje ka një përfshirje të strukturave të caktuara të shtetit me krimin. Në të dy rastet kanë përgjegjësi penale dhe duhen hetuar nga SPAK.

Nuk ka mundësi që të marrë motra e një vrasësi serial certifikatën e sigurisë, kur DSIK, ka hequr me dhjetra gjyqtarë dhe prokurorë dhe janë larguar nga detyra, thjesht dhe vetëm me fjalën “kontakte të papërshtatshme”.

Ndërkohë motra e një vrasësi serial merr certifikatë sigurie. Ky është standarti, Gent Cakës ja jep për tre orë, motrës së një vrasësi i jep certifikatë dhe nga ana tjetër heq njerëz se kanë pirë kafe me persona që pothuaj nuk i kanë njohur fare dhe nuk e kanë ditur se çfarë aktiviteti kanë pasur.

Që të marrësh certifikatë sigurie, institucionet duhet të kontrollojnë rrethin e ngushtë, edhe kë fut në shtëpi madje dhe kur e ke për sigurinë e NATO-s, por ja që në Shqipëri e merr edhe motra e një vrasësi serial./CNA.al

Lajmet e fundit nga