E fundit!

08:12 Politikë

“I shari shan, i mençuri mendon”/ Rama ndan mesazhin e qytetarit

Kryeministri Edi Rama ka ndarë në rrjetet sociale postimin...

Skandali në Ministrinë e Jashtme/ Ish-ushtaraku tregon eksperiencën: Më “skanuan” nga ’93, po motrën e Dumanit, kush dhe për çfarë e pyetën?!

19 Qershor 2022, 17:42, Aktualitet CNA

Skandali në Ministrinë e Jashtme/ Ish-ushtaraku tregon

Nuredin Dumani

Ish-kreu i Forcës Detare, Artur Meçollari, i cili ka qenë i pajisur me certifikatën e sigurisë “Cosmic Top Secret” të nivelit NATO, ka reaguar mbi skandalin e Ministrisë së Jashtme, të publikuar nga CNA.al.

Në një postim në rrjetin social "Facebook", Meçollari ka treguar eksperiencën e tij personale dhe filtrat që i janë dashur të kalojë për të përfituar certifikatën, ndërsa i ka drejtuar ministrisë disa pyetje që sipas tij janë të domosdoshme t'u japë përgjigje.

Sipas ushtarakut, në ambientet e këtij institucioni të gjithë e dinin që Xhuljana ishte motra e Nuredin Dumanit.

Reagimi i plotë:

Hyri motra e Dumanit

Në kafenenë e MEPJ sa herë që hynte zonja në fjalë, nënzë punonjësit e MEPJ nuk thoshin "hyri Xhuljana", por "hyri motra e Dumanit". Nuk ka asnjë punonjës në MEPJ që nuk e di se Xhuljana ishte motra e Nuredin Dumanit.

Sipas Ministrisë për Europën dhe Punët e Jashtme motra e Dumanit e ka kaluar filtrin e sigurise. Dhe ia paska dhënë DSIK. DSIK ka procedurat e saj që natyrisht duhet t'i sqarojë.

MEPJ e trajton si një çështje rutinë. Në mars 2020 unë kam patur intervistën e fundit për çertifikatë sigurie. Intervista ka zgjatur rreth 1,5 orë, dhe po flasim jo për intervistën e DSIK-së. Më kanë pyetur ndër të tjera për njohjet që kisha edhe me një ish-oficer të Flotës të liruar rreth viteve 1993 dhe që unë e kisha takuar për herë të fundit në vitin 2004.

MEPJ duhet të sqaroj dhe jo ti shmanget problemit. T'ju japi përgjigje pyetjeve:

Kush e ka marrë në intervistë në MEPJ?

Kush ka verifikuar dhe kryqëzuar informacionet në MEPJ?

Nëse për shkak të pozicionit nuk ka patur akses në informacion të klasifikuar, përse i duhej Çertifikata e Sigutise?

Po mbasi ka marrë Certifikatën e Sigurisë, çfarë informacion të klasifikuar ka kaluar në duar?

Mos e ngatërro çertifikatën e penalitetit në këtë histori. Ajo nuk tregon gjë kur ke vellanë në hetim. Tregon vetëm historinë penale personale. Ka një VKM të posaçme për çertifikimin e personelit, që përcskton detyrimet e çdo institucioni./CNA.al