web counter
LEXO PA REKLAMA!

SHKARKO APP

App Store
Google Play

E fundit!

x

Emërohen 12 nënkomisarë të rinj në Shkodër/ Nano, mesazh oficerëve

20 Qershor 2022, 18:18, Aktualitet CNA
Emërohen 12 nënkomisarë të rinj në Shkodër/ Nano,
Drejtori i Përgjithshëm i Policisë së Shtetit, Gledis Nano

12 nënkomisarë të rinj që sapo përfunduan studimet bachelor në Akademinë e Sigurisë, u emëruan ditën e sotme, në Drejtorinë Vendore të Policisë Shkodër.

Pas fitimit të gradës Nënkomisar, ata janë emëruar si specialistë për hetimin e krimit, narkotikëve dhe trafiqeve të paligjshme në DVP Shkodër dhe në komisariatet në varësi të saj.

Duke marrë shkas nga emërimi i tyre, drejtori i Përgjithshëm i Policisë së Shtetit, Gledis Nano, zhvilloi një takim me oficerët e rinj, i shoqëruar nga Drejtori i Drejtorisë Vendore të Policisë Shkodër, Hamdi Fjora.

Nano i inkurajoi ata për sfidat që i presin, sfida të cilat kërkojnë angazhim, përkushtim, vendosmëri dhe ndershmëri, me qëllim që t’i jepet një impuls i ri punës së Policisë, në qarkun Shkodër.

Emërohen 12 nënkomisarë të rinj në Shkodër/ Nano,

Nano theksoi se qytetarët e qarkut Shkodër dhe të mbarë vendit, duan një polici të aftë profesionalisht dhe të ndershme, që t’u shërbejë qytetarëve dhe të luftojë krimin pa kompromis, e rrjedhimisht edhe Shkodra ka shumë nevojë për të tillë punonjës policie, të çdo niveli.

“Bëhuni palë me ligjin dhe jo me krimin, e të keni refren e motiv thënien e një luftëtari e atdhetari të shquar: 'Që nga dita që jam lerë, kurrë s'jam shitur, kurrë s'jam blerë!'

Shërbeni Policisë së Shtetit duke garantuar rend dhe siguri për qytetarët, luftoni krimin në përgjithësi dhe krimin e organizuar në veçanti, dhe ju siguroj se do të keni përkrahjen më të madhe që ju s’e keni imagjinuar, do të keni përkrahjen dhe mirënjohjen qytetare që rrallëkush e fiton, dhe pa asnjë mëdyshje do të keni edhe mbështetjen time dhe të stafit drejtues të DVP Shkodër.

Unë kur mora detyrën, kisha shumë sfida mbi vete, dhe njëra prej tyre ishte dhe ende është lufta pa kompromis kundër kultivimit dhe trafikimit të narkotikëve.

Ju siguroj se nuk i kisha sfida mediatike, por i kam sfida të jetës, ndaj edhe ju dhe gjithë kolegët tuaj, duhet të sfidoni të keqen, të mos tradhtoni kolegët, por të mbroni ligjin dhe qytetarët.

Jemi një familje shumë e madhe, e cila po të jetë e bashkuar në sfida dhe në prioritete nuk guxon askush ta thyejë e ta sfidojë.

Kanabisi është një sfidë e madhe sepse prej kësaj veprimtarie fuqizohen grupet kriminale dhe sjell krime dhe pasiguri për jetën dhe shëndetin e qytetarëve.

Luftoni fort, mos u stepni, dhe mua do të më keni në krah përherë, për t’ju besuar detyra në rolet më të larta drejtuese, siç e meritoni”, deklaroi drejtori i Përgjithshëm i Policisë së Shtetit./ B.A. – CNA.al





Lajmet e fundit nga