Sekretet shtetërore, në duar të motrës së vrasësit serial/ SPAK-u “mbyll gojën" përballë megaskandalit

20 Qershor 2022, 17:04, Aktualitet CNA

Sekretet shtetërore, në duar të motrës së vrasësit

SPAK

CNA.al ka publikuar një skandal që është prodhuar në Ministrinë e Jashtme për t’u shtrirë më tej në Drejtorinë e Informacionit të Klasifikuar, në Drejtorinë e Vettingut dhe Sigurimit Industrial, SHISH dhe më gjerë.

Xhuljana Dumani është futur në zyrën qendrore të sekreteve në Ministrinë e Jashtme dhe është pajisur me certifikatë sigurie nga DSIK.

Sekretet më të rëndësishme shtetërore i janë besuar motrës së Nuredin Dumanit, vrasësit serial me pagesë.

E gjithë Shqipëria njeh Nuredin Dumanin dhe është tronditur nga krimet që ai ka zbardhur si bashkëpunëtor i drejtësisë, vetëm institucionet si Ministria e Jashtme, DSIK, SHISH, nuk paskan pasur njohuri.

Motrës së tij i kanë besuar sekrete shtetërore, duke e pajisur me certifikatë sigurie, duke vënë kështu në rrezik sigurinë kombëtare dhe atë të NATO-s.

Skandali thellohet më tej pas pranimit të Ministrisë së Jashtme se ka kërkuar ajo, pajisjen me certfikatë sigurie të Xhuljana Dumanit dhe sigurisht përshkallëzohet me veprimin e Dorian Tolës dhe Mark Ndrecës.

Por edhe heshja e SPAK-ut, ia shton më tej përmasat skandalit.

I pyetur nga CNA.al, kreu i SPAK-ut, Arben Kraja, nuk është përgjigjur nëse ka nisur verifikime–hetime për rastin në fjalë.

Arben Kraja

Minimalisht deri më tani SPAK-u duhej të kishte thirrur dhe marrë në pyetje Drejtoreshën Juridike të Sigurisë së Informacionit në Ministri të Jashtme, Etleva Haka, kreun e DSIK, Dorian Tola dhe kreun e Drejtorisë së Vettingut dhe Sigurimit Industrial Mark Ndreca si dhe drejtues të SHISH-it.

Për të gjithë këta zyrtarë janë provat që kanë shpërdoruar detyrën.

Siguria kombëtare dhe ajo e NATO-s janë vënë në rrezik nga vetë institucionet e sigurisë dhe shteti sot duhej të ishte në alarm.

Motra e Nuredin Dumanit, e cila mund të jetë shumë e aftë, por ka lidhje me njerëz të krimit dhe është e pabesueshme për t’i besuar sekrete shtetërore.

Xhuljana Dumani është lehtë e shantazhueshme për shkak të vëllait të saj dhe kjo siç duket ka qenë një arsye që nuk ia ka mbushur mbushur mendjen DSIK-ut t’i japë certifikatë sigurie.

Nuk dihet se mbi çfarë kriteresh është bazuar DSIK-u që e ka pajisur me certifikatë sigurie pasi kriteret e përcaktuara me ligj i ka shkelur.

Ndërsa SPAK-u hesht situata është e tillë, Nuredin Dumani zotëron botën e krimit, ndërsa motra, botën e pushtetit dhe të sekreteve shtetërore, për të cilat edhe vrasësi serial mund të ketë dijeni, falë Dorian Tolës, Mark Ndrecës e të tjerëve./CNA.al