web counter
LEXO PA REKLAMA!

SHKARKO APP

App Store
Google Play

E fundit!

x

Deklarata e fortë/ Rama: Nëse Kosova shkon drejt luftës, me të jemi edhe ne

20 Qershor 2022, 19:28, Aktualitet CNA
Deklarata e fortë/ Rama: Nëse Kosova shkon drejt luftës, me
Kryeministri Edi Rama

Kryeministri Edi Rama, gjatë vizitës së tij në Kosovë, nuk ka lënë jashtë vëmendjes situatën në të cilën ndodhet Rajoni i Ballkanit Perëndimor, duke theksuar se duhet bërë e pamundura për të mbajtur sa më larg konfliktet e mundshme.

Sipas kryeministri Rama, Serbia gjendet mes dy zjarresh në këtë luftë që ka përfshirë Ukrainën me Rusinë, duke theksuar se Serbia është mes presionit të Rusisë nga e cila është e varur në shumë aspekte dhe mes presionit të Perëndimit.

“Nuk kemi asnjë interes që Serbia të radikalizohet, e do të bëjmë çmos që në këtë situatë ku Serbia është mes dy zjarreve; presioni shumë i madh i Rusisë, që lidhet me mundësinë që vendi ka për ta shtrënguar Serbinë se e furnizon me shumëçka dhe presionin e madh të perëndimit, që ajo e ndien shumë, të shtyn në drejtimin e një kuptimi të drejtë të asaj që duhet të presim nga Serbia”, tha Rama.

Rama theksoi se Kosova nuk ka nevojë të shkojë në drejtim të luftës edhe një herë, vetëm nëse do të jetë e detyruar ta bëjë diçka të tillë.

Nëse ndodh diçka e tillë,- tha Rama-  atëherë edhe Shqipëria do të jetë e detyruar të ndjekë atë drejtim, sepse ne jemi një. “Në këtë pikë ne mund të bëjmë tonën. Ky është thelbi i tradhtisë sime. Tradhti për të cilën unë nuk jam pishman. Mendoj që ne kemi vuajtur boll… Kosova nga lufta, shkatërrime, s’ka nevojë të shkojmë më në atë drejtim, veçse e detyrojmë, dhe po e detyruan Kosovën e detyrojnë edhe Shqipërinë sepse ne jemi një”, u shpreh kryeministri Rama. /CNA.al





Lajmet e fundit nga