LEXO PA REKLAMA!

SHKARKO APP

App Store
Google Play

E fundit!

x

Krerët e UÇK-së në burg, Rama ngre pyetjen për Hagën: A fshihet pas kësaj gjykate dora e Rusisë?

20 Qershor 2022, 19:06, Aktualitet CNA
Krerët e UÇK-së në burg, Rama ngre pyetjen për
Kryeministri Edi Rama

Kryeministri Rama gjatë fjalës së tij në prezantimin e librit të nënkryetarit të PDK-së, Enver Hoxhaj, “Përplasja e Madhe”, nuk ka ngurruar të shigjetojë liderët perëndimorë për çështjen e burgosjes së drejtuesve të UÇK-së.

Kreu i qeverisë ngriti dyshimet nëse fshihet dora e Rusisë pas gjykatës së Hagës. “A është ajo gjykatë pa asnjë dorë të Putinit dhe Moskës”, tha Rama.

Kryeministri tha se Hashim Thaçi po mbahet në burgun e Hagës pa asnjë akuzë. Rama u kërkoi liderëve perëndimorë të reflektojnë, duke hedhur poshtë pretendimet për trafikim organesh nga krerët e UÇK-së gjatë luftës.

“Më shumë se një herë Putini e ka përsëritur se ajo që ka bërë NATO në Kosovë është e pajustifikueshme. Më shumë se një herë ai ka lënë të kuptohet që atë që keni bërë ta provoni tani që po e bëjmë ne. Te fabrika e gënjeshtrave, më e madhe është ajo për UCK-në. Është një gënjeshtër që është projektuar me një strategji, nuk ka filluar me gjykatë. Ka pasur qartësisht qëllimin që diskreditimin e UÇK ta çojë deri në pikën e pabesueshme të ngritjes së një gjykate speciale me duart e vet Kosovë, me nxitjen, detyrimin, e aleatëve dhe me rezultat të diçkaje të pa ndodhur ndonjëherë, arrestimin e një presidenti në detyrë pa akuzë”, u shpreh Rama.

Më tej ai theksoi se, “imagjinoni sikur cilitdo nga vendet që e kanë mbështetur Tribunalin t'u kapej presidenti i tyre pa akuza. Dhe surpriza më e madhe që duhet t'i bëjnë të reflektojnë shumë që nga  miqtë tanë amerikanë dhe të gjithë perëndimorët që janë bashkautorët e çlirimit është shtëpia e verdhë dhe tribunali. U mbush bota me veshka dhe mëlçi që Thaçi dhe Veseli ua hiqnin nga trupi i serbëve dhe i shisnin në pazaret e peshkut. Tani ka një pyetje që për sa na takon ne si qeveri do të bëjmë çmos që ta vendosim mu përballë të gjithëve që nga Joe Biden te Johnson, te Sholc e të gjithë: Si shpjegohet që një tribunal i ngritur si rezultat fundor i një raporti që mori bekimin e KE me gjithë akuzat që kishin nxjerrë një aktakuzë ku s’ka asgjë, as me shtëpinë e verdhë, as me organe. Dhe çfarë lidhjeje ka midis Dick Marty me faktin që edhe sot kur Shqipëria në KS ngre çështjen e llogaridhënies ndërkombëtare, Rusia kundërvihet me trafikun e organeve? Si shpjegohet që përralla e trafikut të organeve përdoret nga rusët edhe në raste të tjera”./CNA.al

Lajmet e fundit nga