Dorian Tola dhe Arben Ndreca rrezikojnë sigurinë kombëtare/ Si e pajisën me certifikatë sigurie motrën e vrasësit serial?

20 Qershor 2022, 12:08, Denoncim CNA

Dorian Tola dhe Arben Ndreca rrezikojnë sigurinë kombëtare/ Si e

Drejtori i Drejtorisë së Sigurimit të Informacionit të Klasifikuar, Dorian Tola

Me 6.06.2022, Drejtoria e Informacionit të Klasifikuar (DSIK), ka lëshuar një certifikatë sigurie për “sekrete shtetërore” të NATO-s, për shtetasen Xhuljana Dumani, motra e vrasësit serial Nuredin Dumani.

Certifikata e Sigurisë është firmosur nga kreu i DSIK-ut, Dorian Tola, dhe Drejtori i Drejtorisë së Vettingut dhe Sigurimit Industrial, Mark Ndreca.

Kjo certifikatë sigurie është kërkuar nga Ministria e Jashtme, e cila e ka futur Xhuliana Dumanin në zyrën e sekreteve të NATOS-s.

Dorian Tola dhe Arben Ndreca rrezikojnë sigurinë kombëtare/ Si e

E gjithë kjo ka ndodhur që nga koha kur Nuredin Dumani, vrasësi serial, ishte në kërkim dhe më pas u arrestua.

Nga njëra anë ishte Nuredin Dumani në SPAK, që rrefente tregun e vrasjeve mafioze si një gjë e zakonshme dhe nga ana tjetër DSIK, që përpilonte certifikatën e sigurisë për motrën e tij, duke i dhënë hapësirë në sekretet e NATO-s.

Dorian Tola, Mark Ndreca dhe të tjera institucione, në mes të të gjithë kësaj rrëmuje, shkelën ligjet dhe pajisën me certifikatë sigurie Xhuljana Dumanin.

Xhuliana Dumani

Siguria kombëtare dhe siguria e NATO-s është rrezikuar nga këto institucione dhe drejtuesit e tyre, të cilët sot heshtin.

Pasi certifikata e sigurisë kur i jepet një zyrtari lidhet pikërisht me kë ke familjarë, me kë shoqërohesh etj.

Pra, vetëm ky personazh, Xhuljana Dumani, s’duhej të pajiset aq më tepër që punon në sekretarinë qendrore që kalon gjithë sekreti i shtetit dhe ai ndërkombëtar dhe NATO-s.

Rënia e DSIK-ut

Kreu i DSIK, Dorian Tola

Me dhënien e kësaj certifikate për Xhuljana Dumanin, DSIK, është bërë i pabesueshëm.

Në një kohë që me raportet e këtij institucioni, pra me firmën e Dorian Tolës, janë shkarkuar dhjetëra gjyqtarë dhe prokurorë.

Në rastin e Xhuljana Dumanit, ky standard nuk ka vlejtur.

Me anë të Vendimit Nr. 388, datë 28.6.2007, DSIK ka të drejtë t’u kërkojë informacion për verifikimin e pastërtisë së figurës së Shërbimit Informativ të Shtetit, Shërbimit Informativ Ushtarak, Shërbimit të Kontrollit të Brendshëm, Policisë së Shtetit, organeve të drejtësisë, të financave dhe ministrive e institucioneve të tjera shtetërore, që i gjykon të nevojshme.

Por, DSIK–ut, Xhuljana Dumani, çuditërisht i ka rezultuar e pastër dhe pa lidhje me të inkriminuar.

Verifikimi i pastërtisë përfshin verifikimin e informacionit të dhënë nga aplikanti në pyetësorin personal të sigurisë, në raport me ekzistencën e mundshme të riskut të sigurisë, vetëm për personin aplikues, kur kërkohet njohja me informacionin e klasifikuar, të nivelit “Konfidencial”.

Dy për personin aplikues, fëmijët, bashkëshortin/bashkëshorten, bashkëjetuesin/ bashkëjetuesen, kur kërkohet njohja me informacionin e klasifikuar, të nivelit “Sekret”.

Tre për personin aplikues, fëmijët, bashkëshortin/bashkëshorten, bashkëjetuesin/ bashkëjetuesen, prindërit dhe personat e tjerë, që jetojnë në të njëjtën familje, kur kërkohet njohja me informacionin e klasifikuar, të nivelit “Tepër sekret”.

Xhuljana Dumani bën pjesë në pikën e tyre për informacion të klasifikuar të nivelit “sekret shtetëror”, pra ka lidhje me familjarët e saj.

Por, as kjo pikë s'është marrë parasysh nga DSIK.

Nuk bëhet fjalë për një familjar të Xhuljana Dumanit, që është kapur duke shkelur rregullat e qarkullimit apo për një sherr banal, por për një vrasës serial dhe që kishte lidhje të forta me politikën.

“Certifikata e sigurisë” lëshohet në bazë të vlerësimit të përshtatshmërisë me detyrën, besnikërisë ndaj Republikës së Shqipërisë, ndikimit të jashtëm, figurës dhe qëndrimit moral, sjelljes personale, sjelljes ndaj drogës e alkoolit, gjendjes financiare, qëndrimit ndaj sigurisë kombëtare dhe rendit publik, gjendjes mendore e qëndrimit ndaj informacionit të klasifikuar”.

Edhe kjo pikë e vendimit në fjalë është shkelur.

Me Xhuljana Dumanin në qendrën e sekreteve shtetërore është vënë në rrezik siguria kombëtare.

Kur ka 48 orë që skandali është publikuar ende nuk ka një reagim, nga DSIK-u dhe institucionet që i japin informacion DSIK-ut./CNA.al