E fundit!

07:30 Horoskopi

Horoskopi i ditës, e mërkurë 15 korrik 2026

Dashi Ruani qetësinë në marrëdhënie dhe shmangni reagimet...

Sherri i ndërtuesve lë në rrugë qytetarët, përmbaruesit nuk zbatojnë vendimin e ish-ministrit të Drejtësisë që mbron banorët

16 Qershor 2022, 22:12, Denoncim CNA

Sherri i ndërtuesve lë në rrugë qytetarët,

Vendimi i ish-ministrit të Drejtësisë

Prej disa ditësh, emisioni Stop në Tv Klan ka transmetuar raste të qytetarëve që kanë blerë apartamente dhe i kanë me hipotekë. Por ata po detyrohen të dalin për shkak të konflikteve mes pronarëve ose ndërtuesve dhe pronarëve të truallit.

Kristaq Qiqi tregoi se kishte blerë një apartament në vitin 2012 në rrugën e Kavajës në Tiranë me kontratë të rregullt, duke u pajisur edhe me hipotekë.

Në vitin 2021 u vu në dijeni nga përmbaruesi privat Besnik Bajraktari, se duhet të lironte shtëpinë, pas një konflikti mes ndërtuesit dhe pronarit të truallit. Kristaqi nuk i vuri shumë rëndësi kësaj kërkese, duke qenë se kishte certifikatë pronësie dhe në vendim nuk përmendej prona konkrete e tij.

Por në 10 Gusht 2021, kur Kristaqi ndodhej në Londër, u detyrua të kthehej me urgjencë dhe e gjeti bravën e apartamentit të tij të ndryshuar.

Në rastin tjetër disa familje në zonën e OSHEE-së në Tiranë denoncuan se duan t’i nxjerrin nga shtëpitë, që kanë blerë prej 25 vjetësh dhe që i kanë me hipotekë.

Në mes tyre kishte edhe blerës, apartamentet e të cilëve janë shitur 4 herë.

Problemi për ta ka ardhur për shkak të një konflikti midis dy ortakëve, që kanë ndërtuar këtë pallat.

“Super Beton Mati”, investitor me përfaqësues Gani Hoxha, ish-deputet, dhe “Genti Rexhepi shpk” nuk ishin marrë vesh për ndarjen e fitimit dhe tani rrezikojnë banorët të dalin nga shtëpitë pas 25 vjetësh.

Për të gjithë ata, që pretendojnë se pronarët kanë të drejtë, sjellim një udhëzim të ish-ministrit të Drejtësisë Ylli Manjani, i vitit 2016, që u jep të drejtë banorëve dhe kërkon ngrirjen e llogarive të ndërtuesve problematikë.

Në këtë udhëzim të botuar në Fletoren Zyrtare, thuhet qartë se kur ka kontrata noteriale apo akte noteriale, asnjë përmbarues nuk mund të vendosë sekuestro mbi këto njësi ndërtimore të individualizuara.

Edhe në rastet kur është vendosur, përmbaruesi duhet të heqë menjëherë sekuestron në rastet kur disponohet kontratë sipërmarrje dhe vërtetohet se kryhen pagesa në zbatim të kontratës. /tvklan.al