Me armë e drogë në shtëpi/ Doktorë e profesorë në burg

13 Qershor 2022, 14:57, Denoncim CNA
Me armë e drogë në shtëpi/ Doktorë e profesorë
Foto ilustruese

Ndërkohë që shqiptarët presin që institucionet e reja të drejtësisë të godasin krimin dhe korrupsionin në nivelet e larta, duket se goditja më e madhe ka ndodhur ndaj mjekëve, bluzave të bardha. Nga mëngjesi në darkë raportohet në media, a thua se problemi më i madh, kriminelët më të mëdhenj, qenkan mjekët.

Ka pasur shumë hetime nga prokuroria, janë “masakruar” bluzat e bardha, sikur të ishin ata “kriminelët”. Sikur ato pesë lekë që marrin nën dorë mjekët, qenkan problemi më i madh në vendin tonë.

Por, ashtu si mjekët me një “histeri kolektive” po sulmohen edhe mësuesit.

Mjekë dhe mësues përfundojnë burgjeve, apo edhe qytetarë të thjeshtë që kanë lidhur dritat, sepse nuk kanë mundur t’i paguajnë, apo më keq ende qytetarë që bëhen me precedentë penalë sepse rregullojnë çatinë në fshat, apo kapen me dy dru.

Por, nga ana tjetër duket se drejtësia shqiptare funksionon me dy standarde.

CNA.al ka raportuar në lidhje me rastin e një personi, që e mban veten për gazetarë, i cili është kapur me armë dhe drogë, po është lënë i lirë.

Bëhet fjalë për Elio Lazen, për të cilin CNA.al ka mësuar se ai është arrestuar nga policia e Tiranës në datën 28 maj 2021.

Me armë e drogë në shtëpi/ Doktorë e profesorë

Gjatë kontrollit në çantën e dorës i është gjetur një armë zjarri, tip pistoletë, me mbishkrimin “EKOL”, me karikatorin e vendosur në armë dhe në krëhërin e armës është gjetur i vendosur një fishek, si edhe drogë, të cilën e kishte në paketën e cigares.

Por CNA.al ka mësuar se Laze nuk ka bërë asnjë ditë burg, duke u lënë me arrest shtëpie, nga gjyqtari B.Shehaj, me pretendimin për shkaqe shëndetësore.

Gjë që në fakt, ngre dyshime për drejtësinë, për mënyrën si vepron ajo, apo se “amnistohen” e lihen rrugëve njerëz të shitur tek Qeveria, edhe pse mund të jenë kapur me armë dhe drogë. Kjo mesa duket nuk qenka problem. Problemi qenkan mësuesit dhe mjekët./CNA.al

Lajmet e fundit nga