Nuk do ta besoni/ Rezultati spektakolar i policisë së Korçës

11 Qershor 2022, 13:46, Denoncim CNA
Nuk do ta besoni/ Rezultati spektakolar i policisë së
Foto ilustruese

Nuk është për të qeshur, është për të qarë. Policia e Korçës ka arritur një rezultat “spektakolar” në luftën kundër “krimit”.

Policia e Korçës po bën një punë të madhe. Merret me dele dhe lopë.

Në një njoftim të bërë për media, Policia e Korçës thotë se ka proceduar penalisht një qytetar, sepse në kamionçinën e tij transportonte disa dele kontrabandë.

“Specialistët për Hetimin e Krimit Ekonomik-Financiar në DVP Korçë, referuan materialet në Prokurori dhe filloi procedimi penal, për veprën "Tregtimi dhe transportimi i mallrave që janë kontrabandë", për shtetasin D. Xh., 58 vjeç, banues në fshatin Belorta, Korçë.

Ky shtetas, ditën e djeshme, u konstatua nga shërbimet e Stacionit të Policisë Kufitare Pustec, në afërsi të fshatit Lajthizë, Pustec, duke transportuar me një mjet tip kamionçinë, disa krerë bagëti të imëta, pa dokumentacionin përkatës.”-njofton policia.

Qytetarë të ndershëm, që kërkojnë të ushqejnë familjen, bëhen me precedentë penalë nga policia e Korçës, e cila me sa duket nuk ka me çfarë të merret.

Ndërsa krimi vijon i qetë rrugëve, policia e Korçës merret me qytetarët e thjeshtë që transportojnë dy dele.

Ky është “suksesi” i madh dhe spektakolar i Policisë së Korçës./CNA.al

 

Lajmet e fundit nga