E fundit!

13:47 Live Updates

Karburantet në Shqipëri/ Një krizë besimi mes çmimeve dhe transparencës

Çmimet e karburantit sot dhe roli i sh...

"Fiks Fare" zbulon dy pedofilë të tjerë: S’kam ardhur për kafe, por për marrëdhënie…

13 Qershor 2022, 21:15, Denoncim CNA

"Fiks Fare" zbulon dy pedofilë të tjerë: S’kam

Pedofili

Të dy pedofilët e denoncuar nga "Fiks Fare" me audio e video pretë e tyre i gjenin nëpërmjet "Facebook"-ut. Kjo platformë tashmë është kthyer në trend ku fare pa u shqetësuar pedofilët shfaqin anët e tyre më të errëta, pa e llogaritur fare se më çfarë grupmoshe kanë të bëjnë nga ana tjetër e rrjetit.

Rastet që solli "Fiksi" ishin se të dy pedofilët me anë të adresave të tyre të "FB" kontaktonin me vajza të mitura të moshës 13-14 vjeçare. Edhe pse e dinë moshën e tyre, kjo nuk i pengon ata t’u dërgojnë foto dhe video intime, e më pas kërkojnë edhe takime me to.

Altin Boriçi nga Fieri shkëmben mesazhe me të miturën në rrjetin social "Facebook" dhe nuk ngurron t’i tregojë për eksperiencat me të miturat, duke i thënë që të mos ketë frikë. Ai momentalisht jeton në Greqi dhe për bisedën me të miturën përdor kamerën e "FB".

Kështu ai në bisedë me kamera i shpjegon të miturës si kryhet akti seksual, pa u shqetësuar asnjë moment për moshën e saj. Madje, sipas tij nëse shikon porno në "google, aty vajzat janë 10-12 vjeç që kryejnë marrëdhënie seksuale.

Altini i thotë të miturës se ai do vetëm ta zhvirgjërojë dhe ta mësojë për më vonë. Për këtë sjell edhe një shembull që sipas tij vetëm një ditë më parë kishte zhvirgjëruar një të mitur.

Ndërkohë, një tjetër person ka shkruar në adresën e bashkëpunëtores së "Fiksit" të prezantuar si 14-vjeçare, edhe këtë herë ka qenë një zotëri nga Fieri i quajtuar Arsijan Aliaj. Edhe ky pasi i ka dërguar foto intime të miturës, i ka kërkuar t’i mësojë edhe pozicionet e seksit.

Kështu në takimin e parë të zhvilluar në kryeqytet ai këmbëngul që takimin ta bëjnë në banesën e motrës së tij për të cilën ka çelësat dhe është shumë romantike.

Përveç të tjerash 37-vjeçari i prezantuar si 25 vjeç i thotë të miturës të mos tregojë për marrëdhënien e tyre dhe se nuk udhëtoi nga Fieri vetëm për një kafe, por kërkon shumë më shumë gjëra. Por këto do t’ia shpjegonte dhe bënte nëse vajza do ta ndiqte te shtëpia.

Takimi i tyre në kryeqytet u finalizua me prangosjen e pedofilit që udhëtoi nga Fieri për një takim “romantik”, me të miturën. Gazetarët e "Fiksit" kërkuan ndihmën e policisë, dhe bënë të mundur kapjen në flagrancë të pedofilit./ tch