LEXO PA REKLAMA!

SHKARKO APP

App Store
Google Play

Bosët e medias gënjyen shqiptarët/ Ku i çuan paratë e inceneratorëve?

5 Korrik 2022, 12:21, Denoncim CNA

Bosët e medias gënjyen shqiptarët/ Ku i çuan paratë e

Raste të ngjashme, shumë detaje që lidheshin me korrupsionin, aferat, skemat, kompanitë, rimbursimin e TVSH-së, mashtrimin me lejet e ndërtimit duke thënë se janë marrë me vonesë, ndërkohë që rimbursohej TVSH tek Tatimet, janë publikuar nga CNA.al, por mediat e mëdha heshtnin.

Pse heshtnin?

Bosët e tyre merrnin paratë nga kompanitë e inceneratorëve. CNA.al ka treguar me detaje sesi paguhej Carlo Bollino qindra mijëra euro në vit.

Si paguhej Irfan Hysenbelliu për kompaninë e tij, për mediat e tij dhe për mediat e familjarëve të tij disa qindra mijëra euro të tjera.

Sesi Vjollca Hoxha e Top Channelit ishte bërë ortake me kompaninë e inceneratorëe, tek Valtelina Kafe. Apo tek një tjetër kompani, e quajtur KUDO PAY.

Sesi Klodian Zoto dhe Mirel Mërtiri kishin paguar 2.2 milionë dollarë Vjollca Hoxhën, për t’u bërë ortakë.

Bosët e medias gënjyen shqiptarët/ Ku i çuan paratë e

Pa folur për disa kompani të tjera, të cilat ishin në godinën e Top Channel dhe paguheshin nga inceneratorët. Ku përfshihej gazeta Shqip, Top News, ku përfshihej një nga menaxherët e marketingut dhe një nga gazetarët kryesorë të Top Channel në atë kohë.

Sesi paguhej e gjithë shpura mediatike afër Qeverisë, me qindra mijëra euro, apo me miliona të tilla në vit.

Thjeshtë dhe vetëm për të bërë një propagandë, “sa të mirë ishin inceneratorët, sa shumë i duheshin Shqipërisë dhe sa të dobishme ishin”.

Janë paguar dhe profesorë, universitete. Një zinxhir i tërë. Por, në këtë rast mediat kanë një moral. Bosët e mediave duhet të kthejnë paratë e inceneratorëve tek xhepat e shqiptarëve, tek taksat e tyre. Dhe kjo është vetëm me një mënyrë. Duke denoncuar këtë aferë 24 orë në 24, atë që nuk kanë publikuar dje. Duke hequr censurën që vendosen pasi paguheshin. Duke ushtruar presionin mediatik dhe publik, që kjo aferë të zbardhet deri në fund. Pasi paratë e inceneratorëve nuk e ndalën dot dhe nuk blenë dot disa media, që mund të ishin shumë herë më të vogla. Por, u paguan bosët e mëdhenj, të cilët janë sot përballë faktit se atje ka qënë një aferë korruptive.

E në rast se mbyllin sytë e nuk vazhdojnë të denoncojnë dhe të shkruajnë çdo ditë, apo të publikojnë ato që nuk kanë publikuar, për të detyruar strukturat shtetërore të përballen me të vërtetën për të gjetur çdo qindarkë të shqiptarëve, si kanë shkuar në xhepat e korrupsionit të Qeverisë, atëherë pa asnjë diskutim dhe pronarët e mediave kanë bërë një krim me vetëdije.

Kanë marrë paratë, duke fshehur të vërtetën. Dhe në qoftë se do vazhdojnë të mos e ndalin këtë krim, tregon se gjithçka ka qënë me qëllim. Tregon se ata kanë qënë bashkëpunëtorët më të ngushtë të këtij korrupsioni dhe kësaj afere, pasi kanë ndarë paratë me njerëzit që ndërtuan skemën e inceneratorëve.

Dhe ka ardhur ora tiu kthehen qytetarëve taksat, duke luftuar për të vërtetën. Duke denoncuar çdo qindarkë që është humbur. Për të gjetur të paktën disa miliona euro. Jo këto të televizioneve që janë bërë rrush e kumbulla, por të miliona eurove që po tentojnë të nxirren jashtë, që janë në kompani off shore, apo që janë nëpër investime dhe biznese të bosëve të inceneratorëve, të cilët për t’u mbrojtur dhe për të grabitur taksat e shqiptarëve përdorën bosët e medias./CNA.al

 

Lajmet e fundit nga