web counter
LEXO PA REKLAMA!

SHKARKO APP

App Store
Google Play

E fundit!

x

Vëzhgimi i CNA.al: Urbanët e Tiranës nuk kanë kondicionerë

2 Korrik 2022, 18:43, Denoncim CNA
Vëzhgimi i CNA.al: Urbanët e Tiranës nuk kanë
Urban në Tiranë

CNA.al ka bërë një vëzhgim në urbanët e Tiranës gjatë këtyre ditëve të nxehta të verës, ku temperaturat po vijnë gjithmonë e më shumë në rritje.

Ndonëse kemi hyrë në muajin e dytë të stinës së verës, gjendja e urbanëve të Tiranës është e mjerueshme.

Urbanët e Tiranës dhe më konkretisht linja “TEG - Sauk i Vjetër - Kopshti Zoologjik - Ish-Stacioni i Trenit”, nuk ka kondicionerë.

Gazetarët e CNA.al i kanë pyetur disa herë faturinot e kësaj linje se përse nuk ndizen kondicionerët dhe ata kanë pohuar se nuk ka kondiconerë.

Në fakt, kjo nuk është e vetmja linjë urbani pa kondicionerë në këto ditë të nxehta.

Situata skandaloze në transportin publik shkakton çdo ditë pakënaqësi te qytetarët, të cilët jo pak herë janë konfliktuar dhe kanë debatuar me shoferët dhe faturinot për vapën brenda urbanëve.

Qytetarët shprehen se zgjedhin transportin urban për të lëvizur nëpër qytet me idenë dhe besimin që të mos durojnë diellin e nxehtë, por përballen me një situatë akoma më të keqe brenda dyerve të urbanëve.

Pavarësisht kësaj, Bashkia e Tiranës nuk ka marrë ende asnjë masë për të përmirësuar gjendjen e transportit./ B.A. - CNA.al





Lajmet e fundit nga