web counter
LEXO PA REKLAMA!

SHKARKO APP

App Store
Google Play

E fundit!

x

"Fiks Fare"/ ‘S’nisemi me 20 veta’, autobusët e linjës Tiranë-Durrës nuk respektojnë oraret, shkelin hapur licencën

29 Qershor 2022, 21:19, Denoncim CNA
"Fiks Fare"/ ‘S’nisemi me 20 veta’, autobusët e
Foto ilustruese

Nga disa ankesa të ardhura në redaksinë e emisionit "Fiks Fare" se nuk respektohej orari për linjat ndërqytetas Tiranë-Durrës dhe anasjelltas.

Menjëherë "Fiksi" filloi vëzhgimin e tij mbi këto linja autobusi, në terminalin e ri fundor në afërsi të mbikalimit “Casa Italia” në rrugën “Kastriotët”. Aty u panë se në stacion kishte disa pasagjerë në pritje për të udhëtuar, por nuk kishte asnjë autobus. Në bisedë pasagjerët u ankuan se në këtë orar gjithmonë kishin të tilla ‘surpriza’ dhe se shpeshherë ishin të detyruar të faturonin taksi për të shkuar në destinacion, Durrës.

Por ka edhe nga ata që i kërkojnë ndihmë grupit të xhirimit të "Fiksit" pasi nuk kanë mundësi që të marrin taksi deri në Durrës pasi vlera është goxha për xhepin e tyre, 2500 lekë. Edhe pse shumica e pasagjerëve kanë ardhur në Tiranë për hall, halli më i madh u fillon kur duhet të kthehën për Durrës. "Fiksi" priti bashkë me një zotëri në terminal rreth 1 orë dhe pasagjeri nuk gjeti jo vetëm autobus jo e jo, por as makinë të rastit për të udhëtuar.

Të shumtë ishin pasagjerët që e dinin se në terminal nuk ka autobusë, edhe pse tabela shënon se i fundit niset nga Tirana drejt Durrësit në orën 21:30. Ata kishin dalë në rrethrrotullim duke parë për makina të rastit që të mund të udhëtonin. Mungesa e transportit ndërqytetas i kishte detyruar këta pasagjerë që të bëheshin bashkë për të faturuar taksinë, në mënyrë që të ndanin pagesën midis tyre.

Në këto kushte "Fiksi" pyet shoferët e kësaj linje se pse nuk nisen pas orën 19:00 për në Durrës ashtu siç kanë edhe licencën. Ata shprehen se nuk u leverdis që të nisen me 20 veta autobusi, pasi për ta nuk ka leverdi.

"Fiksi" kontaktoi me kryetarin e Shoqatës së Transportit të Udhëtarëve të Shqipërisë, i cili në telefon u komunikoi se këto orare kanë mbetur të tilla prej pandemisë. Ndonëse të gjitha masat janë hequr në lidhje me pandeminë orari i linjës ndërqytetase Tiranë – Durrës ka mbetur po i njëjtë. Kryetari Shpëtim Vrioni pohoi se këtë linjë e kishte Elalba1 sh.p.k. "Fiksi" kërkoi zyrat e kësaj shoqërie, por nuk i gjeti dhe u rikthye sërish në terminal për të pyetur, por edhe shoferat nuk u dhanë asnjë info për sa i përket kësaj shoqërie.

Në këto kushte "Fiks Fare" iu drejtua Taks Forcës në MIE. Të cilët së bashku me "Fiksin" dolën për kontroll. Taks Forca pas kontrolleve të bëra gjeti se Elalba1 sh.p.k. kishte disa pika që shkelte në licencë, jo vetëm mosrespektimin e orarit. Si rrjedhojë ata u shprehën për "Fiksin" se do të propozonin që kësaj kompanie t’i hiqej licenca, pasi kishte shkelje të shumë pikave të përsëritura.

Shpresojmë se kompania tjetër t'i respektojë pikat e licencës dhe pasagjerëve t’u ofrohet shërbimi ndërqytetas me autobus në oraret e përcaktuara./tch





Lajmet e fundit nga