web counter
LEXO PA REKLAMA!

SHKARKO APP

App Store
Google Play

E fundit!

x

“S’je e vogël, do të mbuloj me para!”/ Pedofili italian, veprime të turpshme para të miturës në banjo publike

27 Qershor 2022, 20:52, Denoncim CNA
“S’je e vogël, do të mbuloj me para!”/ Pedofili
Donato Ascoli

Një tjetër rast abuzimi me të mitura publikohet në emisionin "Fiks Fare". Këtë herë bëhet fjalë për një shtetas italian i vendosur prej një viti në vendin tonë. Shtetasi italian i quajtur Donato Ascoli prezantohet te të miturat 13-vjeçare si një person që do t'i mbajë me para nëse ato kryejnë marrëdhënie seksuale me të.

Fillimisht në redaksinë e emisionit "Fiks Fare" ka mbërritur një informacion se një i moshuar italian ngacmon vajzat e mitura, ku mjafton që një e tillë t’i afrohet ai fillon ta ngacmojë dhe t’i kërkojë takime.

Emisioni "Fiks Fare" duke marrë parasysh këto informacione ka nisur një investigim disaditor për ta vërtetuar nëse kemi të bëjmë me një pedofil. Bashkëpunëtorja e "Fiksit" madhore, por e prezantuar si 13-vjeçare i afrohet shtetasit italian duke i kërkuar telefonin për të marrë vëllain e saj, pasi i kishte mbaruar oferta. Këtu nis dhe biseda e parë e të moshuarit me vajzën duke i kërkuar asaj të qëndrojnë bashkë dhe t’i bëjnë masazh njëri-tjetrit.

I moshuari italian e pyet vajzën për moshën dhe i jep numrin e tij të telefonit duke i thënë se mosha e saj 13-vjeçare nuk është problem. Ai i thotë që të mos i tregojë askujt për takimin dhe bisedat e tyre. Italiani i shkruan vazhdimisht vajzës në "WhatsApp" edhe pse ajo ia bën të qartë disa herë që është vetëm 13 vjeçe.

Ndërkohë, i moshuari i thotë se kjo është mosha e duhur për të kryer marrëdhënie seksuale, pasi po të mbushësh 20 vjeçe quhesh e plakur. Gjithashtu i thotë të miturës se do ta marrë në apartamentin e tij për ta mësuar si të kryejë marrëdhënie seksuale. Po online italiani i kërkon të miturës që t’i dërgojë foto nudo. Pas bisedave në "WhatsApp" bashkëpunëtorja e "Fiksit" lë takim me të moshuarin në një qendër tregtare në Durrës.

Gazetarët e "Fiksit" duke parë bisedat, ku i moshuari ia kishte bërë të qartë vajzës qëllimin e tij për ta marrë në apartament për masazh dhe se do e mbante me lekë, kërkojnë menjëherë bashkëpunimin e Policisë së Durrësit për këtë rast. Në takim Donato Ascoli i thotë vajzës së mitur se do të kryejnë marrëdhënie seksuale, pavarësisht se vajza këmbëngul se është fëmijë. Madje, e fut vajzën në tualetet e qendrës tregtare dhe masturbohet para saj.

Më pas i kërkon që të shkojnë në hotel. Rrugës për në hotel i jep 5 mijë lekë të vjetër duke i thënë se do t'i jepte para sa herë që të shkonte me të. Vajza vazhdon të këmbëngulë për moshën e mitur. Italiani e orienton vajzën drejt hotelit.

Në momentin që ai është duke bërë pazaret në recepsion për dhomën e hotelit ndërhyjnë forcat e operacionales së Durrësit. Policia ka shoqëruar shtetasin italian në komisariat për procedurat e mëtejshme.

Pas 3 ditësh Gjykata e Rrethit Gjyqësor Durrës ka dhënë masën e sigurisë “arrest me burg”./Tch

 





Lajmet e fundit nga