E fundit!

16:41 Aktualitet

Marshim dhe thirrje kundër qeverisë/ Mbahet sot protesta e 45-të në Tiranë

Ditën e sotme mbahet protesta e 45-të qytetare kundër qeve...

Vdekja e 17-vjeçares në aksident/ Nëna mes lotësh: Ana do që të prehet e qetë...

21 Qershor 2022, 21:35, Denoncim CNA

Vdekja e 17-vjeçares në aksident/ Nëna mes lotësh: Ana do

Nëna dhe viktima Ana Duro

“Stop” siguroi dosjen e aksidentit në Borsh në mars 2019, si pasojë e të cilit humbi jetën një 17-vjeçare. Në dosje mungojnë fotot e momentit të aksidentit, kur makina ka qenë brenda në kanal përmbys.

Avokati Zaçe Islami, i cili përfaqëson nënën e vajzës, tregoi detaje nga pasaktësitë e hetimit.

“Është bërë maratonë. Prokurori i çështjes është fajtor që nuk është evidentuar vendi i krimit, vendi i ngjarjes. Nuk na kanë dhënë fotografi të makinës në vendin e ngjarjes. Janë prishur provat me urdhër të prokurorit”, tha avokati.

I dashuri i vajzës, Roberto Dhuli, në fillim ka treguar se ka dalë nga ana e pasagjerit.

“Shpjegimet që dha shoku i vajzës në gjykatë me konkluzionet e ekspertit bien në kundërshtim me njëri-tjetrin. Personi i vetëm dëshmitar i kësaj ngjarjeje është shoku i vajzës dhe prokurori është bazuar vetëm në dëshmitë e tij”.

Por ekspertët thonë se djali ka dalë nga ana e shoferit sepse nga ajo anë xhami ishte hapur, ndërsa ana e pasagjerit ishte e mbyllur. Kjo vërtetohet edhe nga fotot e makinës pas aksidentit.

“Mjeku ligjor i Sarandës ka dhënë një vlerësim të përciptë. Një pijanec, një njeri me vese dhe po ka kundërshtime të ankohet për mua. Mjeko-ligjori thotë që është mbytur me ujë. Zotëri ju duhet të pyesni mjekë ekspertë kriminalistë që në rast të tillë bëhen disa ekzaminime mjekësore”, tha avokati.

Detaje të tjera janë zhdukja e dëshmitarëve, që kanë qenë aty pas aksidentit. Dy policët e komisariatit Himarë nuk janë thirrur në gjyq për zbardhjen e ngjarjes.

“Nuk dimë dy policët e parë që kanë ardhur në vendngjarje se në dokumente thuhet që kanë ardhur dy policë nga Komisariati i Himarës. Nuk ka asgjë. Të tëra janë mbuluar, të tërave u është vënë kapak. Kjo është fatkeqësia më e madhe në këtë vend, që nuk duan të zbulojnë krimin”, u shpreh avokati.

Nëna e vajzës së ndjerë ka pyetur në komisariatin e Policisë Himarë në lidhje me emrat e policëve. Por ata nuk figurojnë aty.

Mamaja e vajzës – Ky Alban Gjiknuri është polic këtu te juve?

Shefi i Komisariatit – Alban Gjiknuri?!…Jo, s’ka Alban Gjiknuri këtu.

Mamaja e vajzës – Po ky Lavdim Goxhaj?

Shefi i Komisariatit – Jo!

Mamaja e vajzës – Këtu thotë “ishte polic në komisariatin Himarë, Lavdim Goxhaj”…

Shefi i Komisariatit – Jo, s’është këtu…

Por edhe një tjetër dëshmitar është zhdukur fare nga dosja.

“Në sallë ka ardhur vetëm Robert Dhuli. Nuk ka bërë asnjë lloj hetimi të mirëfilltë. Kam kërkuar që të bëhet eksperimentimi i ngjarjes në vendin e ngjarjes. Të vinte personi dhe do të na shpjegonte ai nga erdhi makina, cila qe arsyeja që ra në kanal”, tha avokati.

“Ana do që të prehet e qetë. Vajta 4 vjet që luftoj dhe nuk po bëj dot asgjë, jam lodhur me këtë gjë. Jam nënë dhe kush është nënë më kupton shumë mirë. Vetëm drejtësi kërkoj. 17 vjeçe, engjëll, nuk di më shumë, nuk di ç’të them më shumë”, u shpreh e ëma e së ndjerës./tvklan.al