E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

I riu, 15 muaj paraburgim pa prova/ Kur ndodhi ngjarja ishte me një vajzë

7 Korrik 2022, 22:10, Denoncim CNA

I riu, 15 muaj paraburgim pa prova/ Kur ndodhi ngjarja ishte me një

Gazetarja e "Stop" dhe avokati Arben Llangozi

Emisioni “Stop” ka trajtuar sot çështjen e një peshkatari, i cili punonte me dy peshkatarë të tjerë për të mbajtur familjen. Elis Bushi është ndaluar nga policia pasi është akuzuar për një grabitje dhe për vrasje në tentativë, mirëpo në kohën kur ka ndodhur grabitja ai ka qenë në një fshat larg zonës së Roskovecit për të takuar një vajzë.

Gjatë një kontrolli në shtëpinë e tij policia kishte gjetur atje një çifte dhe një thikë, të cilën djali e mbante gjithmonë me vete pasi e ndihmonte në punën e tij si peshkatar, kjo ka mjaftuar që djali të arrestohej dhe prej 15 muajsh ai ndodhet në paraburgim.

Emisioni “Stop” ka udhëtuar drejt Vlorës, në lagjen e njohur si lagjja e Çoles, për të mësuar më tepër mbi ngjarjen. Gazetarja ka takuar atje nënën e Elis Bushit.

Merjeme Bushi, nënë e dy fëmijëve, ka treguar më tepër për aktivitetin e djalit të saj si peshkatar. Sipas saj ai kishte dy punëtorë me të cilët punonte dhe se në 10 shkurt Elisi do të takonte një vajzë në Verbas të Fierit.

Në orën 12:00 të së njëjtës datë, i shkoi policia në shtëpi dhe i kontrolloi shtëpinë, duke i marrë çiften, të cilën e kishte pasur i shoqi dhe thikën e punës, që e përdorte në rrjetat e peshkimit.

Merjemja tregoi se vetëm mëngjesin e ditës së nesërme ka mësuar se djali akuzohej për një vjedhje në Roskovec. Ajo shprehet se djalin nuk e lidh asgjë me zonën e Roskovecit dhe vajza me të cilën ai është takuar, ka dëshmuar, se Elisi ka qenë me të.

Megjithëse ekzistojnë pamje filmike të cilat vërtetojnë se Elisi pasi është ndarë me nënën është nisur në fshatin Verbas, larg Roskovecit për të takuar një vajzë, në kohën kur ka ndodhur grabitja ato nuk kanë mjaftuar.

Emisioni “Stop” ka kontaktuar me të pandehurin, i cili ka treguar për takimin e tij me vajzën dhe versionin e tij të ngjarjes.

Elis Bushi: Atë shtetase unë e kam takuar fiks në orën 8 e 5 minuta. Atje te lagjja e saj, afër shtëpisë së saj, diku nja 20 metra nga shtëpia.

Elis Bushi: Kemi qëndruar mbi një orë, një orë e gjysmë.

Prova që do të shërbente për të ndihmuar zbardhjen do të ishin qelizat telefonike për të kuptuar se ku ka qenë djali gjatë kohës që ka ndodhur grabitja, por një ekspertim i tillë nuk është bërë.

Elis Bushi: As prova s’kanë, asgjë. Nuk e kuptoj. E kanë marrë në pyetje atë gocën të nesërmen, e kanë marrë në pyetje dhe i ka thënë “po ka qenë të mua diku pas orës tetë”. Unë kam qenë me atë në orën 8.05, me atë gocën. Sot e asaj dite, unë nuk e kuptoj, pse jam në burg akoma.

Më datë 20 janar 2022, Erind Reovica tashmë ish-prokurori i Fierit, ka dorëzuar përfundimin e hetimeve në Gjykaten e Fierit ku i ka ngarkuar Elis Bushit katër çështje penale:

1. vjedhje me armë në bashkëpunim e mbetur në tentativë,

2. plagosje e rëndë me dashje,

3. prodhim, mbajtje, blerje dhe shitje pa leje e armëve të ftohta,

4. mbajtje pa leje e armëve të gjuetisë dhe sporteve.

Emisioni “Stop” ka biseduar me avokatin Arben Llangozi, i cili pasi u njoh me dosjen, është shprehur se nuk ka prova, që të mbajnë të riun në paraburgim. Sipas tij nuk ka asnjë provë që ta implikojë atë në një vrasje apo në një vjedhje./ tvklan.al