web counter
LEXO PA REKLAMA!

SHKARKO APP

App Store
Google Play

“Rama, në dijeni për miliona eurot”/ PD ‘nuk i ndahet’ Qeverisë, vijon akuzat për inceneratorët

17 Gusht 2022, 17:52, Denoncim CNA
“Rama, në dijeni për miliona eurot”/ PD ‘nuk i
Fotomonazh - Landfilli i Sharrës dhe kryeministri Edi Rama

Partia Demokratike, e përfaqësuar nga deputeti Luan Baçi, ka vijuar akuzat ndaj Qeverisë për aferën e inceneratorëve.

Teksa u ndaj te denoncimi i sotëm për kontratën 30 milionë euro për pronarët e inceneratorëve, të firmosur nga Ministria e Mjedisit, Baçi tha se kryeministri Edi Rama ka qenë në dijeni.

Sipas tij, Rama ka firmosur me dorën e tij kontratën për inceneratorët, pasi theksoi Ministria e Financave dhe ajo e Mjedisit nuk mund të tërheqin para nga Buxheti i Shtetit pa dijeninë e kreut të qeverisë. 

“5 pyetjet për SPAK për inceneratorët janë bërë pyetje retorike tashmë sepse i kanë përgjigjet brenda. Pyetjet që janë bërë e kanë përgjigjen brenda sepse paratë janë të vjedhura. Për sa i takon denoncimit të sotëm, në një nga pikat për 30 milionë euro që i janë kaluar inceneratorit të Fierit nuk ka një VKM dhe nuk është botuar në Fletoren Zyrtare dhe ajo që është më e keqja, rreth 12% e këtyre parave janë përdorur. 

Pas datës 1 gusht i kanë dërguar inceneratorit 2 milionë euro dhe nuk dihet ku kanë vajtur. Pastaj hap pas hapi që para 6 vitesh që ka filluar kjo histori, që në 2016 dhe në vazhdimësi, marrëdhëniet e qeverisë shqiptare dhe Ministria e Mjedisit që ka firmosur kontratën..., në fakt nuk ka qënë ky digaster që ka pasur në dorë paratë, por Ministria e Financave. Pra janë xhiruar nëpërmjet Ministisë së Financave dhe Ministrisë së Mjedisit dhe që të dalin nga Buxheti i Shtetit nga Ministria e Financave. Absolutisht ato dalin vetëm me firmën e Kryeministrit dhe dijeninë e Kryeministrit. Parë në këtë këndvështrim është direkt i përfshirë Kryeministri në këtë aferë korruptive, pavarësisht se mundohet të 'lajë duart' duke thënë se Kryeministri thjesht hedh një firmë dhe firmos pa parë dokumentacionin”, nënvizoi deputeti në "Syri Tv"./ B.A. – CNA.al





Lajmet e fundit nga