E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Prona me vlerë miliona euro/ Deputeti “offshor” i Bashës fsheh pasurinë

11 Gusht 2022, 15:01, Denoncim CNA

Prona me vlerë miliona euro/ Deputeti “offshor” i Bashës

Ish-drejtori skandaloz i “Rrugëve”, Lefter Gështenja, që i shpëtoi drejtësisë, ndërkohë ish-shefat e tij të ARRSH-së përfunduan në pranga në vitin 2018, falë Lulzim Bashës, u bë edhe deputet.

Deputeti i Lulit, me një pagë në shtet dhe si konsulent ka arritur të vërë pasuri marramendëse, patundshmëri dhe tundshmëri.

Gështenja dyshohet se ka gënjyer në ILDKPKI në deklarimin e pasurisë.

Por edhe në ato që ka deklaruar vërehen detaje të dyshimta, të cilat do t’i trajtojmë ditë pas dite.

Lefteri, i cili mbiemrin e parë e ka Kostenja, por që më vonë e ka ndërruar për arsye të paditura dhe që janë enigmë, është pronar i një shtëpie me dy kate në Tiranë, e ndërtuar rreth viteve 1980, me sipërfaqe ndërtimi 63 m2 mbi parcelën ndërtimore, truall 300 m2, me investim 700 000 lekë, i një shtëpie banimi të ndërtuar përgjatë viteve 1992-1995 e përbërë nga një kat nëntokë-garazh 100.4 m2, kati përdhe 109.9 m2, kati i parë 130 m2, kati i dytë 130 m2, me vlerë 6 milionë lekë, i një ambienti shërbimi në Tiranë 265 m2, me vlerë 80 mijë euro, i një shtëpi banimi në Qerret 73 m2 dhe me vlerë 25 mijë euro, pronar i një garazhi në Tiranë 80 m2 me vlerë 13 mijë euro, pronar i rreth 2 mijë m2 tokë në Tiranë me vlerë rreth 80 mijë USD dhe pronari i një makine 20 mijë euro.

Këto pasuri që deklaron "Gështenja e Lulit", burimi i krijimit ashtu siç CNA.al ka raportuar më herët është i dyshimtë nga vlerat së pari apo dhe burimi.

Përveç këtyre pronave që ka deklaruar, dyshohet se Gështenja fsheh edhe prona të tjera përfshirë këtu edhe aksione në një kompani private.

Për pasuritë e tjera CNA.al, publikisht i drejtohet me pyetje publike Lefter Gështenjës, deputetit që është paguar dhe paguhet me taksat tona, me taksat e qytetarëve.

Prona me vlerë miliona euro/ Deputeti “offshor” i Bashës

Lefter Gështenja

Ish-drejtor me pasuri miliona euro, graduar deputet nga Lulzim Basha, thjesht dhe vetëm sepse mbulon me pagesa degën 7 të PD-së në Tiranë duke e kthyer në mejhane Librazhdi.

A keni aksione në kompani private në emër të personave të tretë, të miqve të bashkëpunëtorëve tuaj të cilave ju shërben edhe sot si deputet?

Këto në lidhje me pasurinë dhe gjithçka që mund të ketë fituar Gështenja nga puna në administratën shtetërore.

Më tej CNA.al do të sjellë një analizë të plotë me të dhënat e pasurisë së Lefter Gështenjës, i cili deklaron se ka fituar miliona me konsulencë apo mijëra euro nga qiratë.

Në këto pyetje nuk po përfshijmë detaje nga transaksione të tjera që kanë lidhje me shkollimin e fëmijëve në Angli dhe Holandë, kostoja e të cilëve shkon të paktën deri në 200 mijë euro. /CNA.al(vijon)