web counter
LEXO PA REKLAMA!

SHKARKO APP

App Store
Google Play

E fundit!

x

Denoncimi-Siguria në plazhe/ Pyetjet që “gozhdojnë” Edi Ramën

16 Korrik 2022, 13:17, Denoncim CNA

Denoncimi-Siguria në plazhe/ Pyetjet që “gozhdojnë”

Kreu i PD-së, Sali Berisha, ka bërë publik denoncimin e një qytetari, i cili shprehet i shqetësuar për sigurinë në plazhe dhe për mungesën e theksuar të rojeve bregdetare. Përmes një postimi në rrjetet sociale, Berisha ka publikuar pyetjet që ky qytetar i drejton kryeministrit Rama.

“Pyetje për Edi Ramën

Plazhet tona ua ke dhënë privateve me argumentin se ata i menaxhojnë më mirë se shteti që ti drejton. E kuptoj. Me këtë logjikë ke premtuar që çdo privat që menaxhon plazhet do vendos një roje bregdetare për çdo 80m vijë bregdetare (lineare). Edhe këtë e kuptoj.

Ajo që nuk e kuptoj është përse në 450 km vijë bregdetare ka qindra administrues private, dhjetë bashki dhe një qeveri, por nuk gjendet as edhe një roje bregdetare (?!) Dje, Anri Kashiku, vetëm 18 vjec, u mbyt si nje hero në plazhin e Durrësit duke u përpjekur të shpetonte dy fëmije të tjerë.

Ku i kishe rojet bregdetare?

Tek ai plazh unë të tregoj mbi 100 zaptues me shezlongje, ti me trego vetëm një roje bregdetare. Pak ditë më parë në plazhin e Palasës u mbyt nje 53 vjeçar. Ku ishte ndihma e shpejtë? Po rojet bregdetare m’i tregon dot ku ishin?

Se investitorin strategjik e shoh vetë, që nga maja e Llogarase madje. A më thua dot sa roje bregdetare ka sot në Velipojë, Shëngjin, Durrës, Vlorë, Himarë apo Sarandë?

Gjatë kohës që ngrohesh në diell tek rezidenca e Dhërmiut, a e ke pyetur veten ku janë rojet bregdetare? Si kryeministër i këtij vendi, a të bën përshtypje që në muajin e parë të sezonit turistik është mbytur, mesararisht, një njeri çdo tre ditë? Gjatë kohës që ishe në OKB a të ra rradha të lexosh rezolutën e 28 Prillit 2021 për sigurinë e plazheve?

Si lider global që je, a e ke pyetur ndonjëherë veten çfarë ke zbatuar nga kjo rezolutë e OKB-së?

Si një i majtë që premtoje se “kohës se rërës me pagesë i kishte ardhur fundi” (që para 8 vitesh), a nuk të bën përshtypje që privatet jo vetëm që nuk paguajnë taksa, por nuk përmbushin as detyrimet ligjore bazë për administrimin e plazhit që kanë zaptuar?

Une e di që ti nuk i respekton aq shumë shqiptarët sa të mbash premtimet që iu jep nëpër fushata elektorale. E kuptoj edhe që ti nuk ndihesh aq i aftë sa të drejtosh një shtet që i mban plazhet tona të sigurta.

Por, kam një kërkesë:

Kur të kthehesh tek zyra jote e rrethuar me flutura, pasi te kesh bere nja dy kosha, dhe të kesh luajtur me lapsa me ngjyra, merr stilolapsin dhe firmos një herë të vetme një vendim që shkon përtej xhepit tënd: Hiqu licencën çdo subjekti që ende nuk ka siguruar roje bregdetare në plazhin që e ke lejuar të zaptojë.

Kaq është minimumi që meriton ky popull…", shkruhet në postim./ A.E-CNA.al

Denoncimi-Siguria në plazhe/ Pyetjet që “gozhdojnë”





Lajmet e fundit nga