web counter
LEXO PA REKLAMA!

SHKARKO APP

App Store
Google Play

E fundit!

x

Irfani i inceneratorëve që nuk paguan taksat

23 Korrik 2022, 09:34, Denoncim CNA

Irfani i inceneratorëve që nuk paguan taksat

Pseudodemokracia shqiptare ka prodhuar shumë personazhe, të cilët kanë përfituar jo pak në këto 30 vite tranzicion.

Një ndër këta personazhe, një biznesmen që përpiqet të fshihet pas mediave të tij, është edhe Irfan Hysenbelliu.

Një personazh i shumëakuzuar për një mijë e një bëma dhe gjëma, që median e ka kthyer në një instrument për përfitime personale dhe për mbrojtjen e bizneseve të tij.

Irfan Hysenbelliu së fundi pretendon se po bën “opozitarin” në mediat e tij, dhe në fakt nuk do të kishte asgjë të keqe, përkundrazi mediat janë në misionin e tyre dhe duhet të denoncojnë çdo aferë apo korrupsion.

Por, duket se dardha e ka bishtin prapa. E nëse shikon në mediat e tij nuk ka asnjë denoncim apo akuzë të drejtpërdrejtë ndaj Kryeministrit, por sulmohen disa drejtorë kur bizneset e tij kanë probleme dhe nuk pranon të paguajë taksa.

Rasti i sulmit të fundit ka qenë ndaj Tatimeve, jo sepse ato i shkuan për kontroll, siç pretendohet rëndomtë. Jo!

Por, sepse Tatimet i kërkuan që të paguante lekët që kishte vetëdeklaruar, që duhet t’ia jepte shtetit, por Irfani nuk do t’ia japë.

Nga ana tjetër sulmoi Drejtorin e Përgjithshëm të Doganave, Genti Gazheli, sepse ky i fundit mesa duket i ka vënë gjobë ligjore!

CNA.al ka mësuar gjobën e majme që Doganat i kanë vënë Hysenbelliut, i cili ka lëshuar në sulm mediat pranë tij.

Gjoba që duhet të paguajë është plot 260 mijë euro.

Kjo gjobë mesa duket ka bërë që Hysenbelliu të shantazhojë drejtorin Genti Gazheli, për të cilin thotë se po promovon në poste drejtuese zyrtarët që po gjykohen në Greqi për kontrabandë.

Po ashtu, ai ka sulmuar me dhjetëra raste ministra, zyrtare të tjerë, thjeshtë dhe vetëm për pazaret e tij!

Është njeriu i cili sulmon institucionet, kur ato shkojnë të kontrollojnë, të zbardhin dokumentet, taksat, detyrimet që ka paguar në shtet ky individ, i cili për të thënë të vërtetën është i mbytur në borxhe. Me kredi miliona euro. Pa folur për paratë që duhet t’u japë kontraktorëve apo nënkontraktorëve të tij.

Nga ana tjetër, njeriu që pretendon se po bën “median opozitare”, ka marrë qindra mijëra euro nga inceneratorët, një ndër koncesionet më të akuzuara në Shqipëri, e quajtur edhe si afera e shekullit, që tashmë është në hetim nga organet e drejtësisë.

CNA.al ka zbardhur me fakte dhe dokumente sesi mes mediave që kanë marrë “thelën” e tyre nga koncesioni i inceneratorëve, është edhe Kompania “Focus Group”, e Irfan Hysenbelliut që përfshin televizionin “News 24”, “Balkanweb”, etj, e cila ka marrë miliona lekë nga inceneratorët.

Pra, Irfan Hysenbelliu ka marrë qindra mijëra euro nga inceneratorët për reklama, që të mbyllë gojën për këtë skandal, ndërsa tani pretendon se po bën opozitarin dhe moralistin.

Por, a mund të kenë moral mediat që heshtën për inceneratorët?

Ortaku i Qeverisë shan Qeverinë. Kjo është të gajasesh si kapter./CNA.al

 





Lajmet e fundit nga