web counter
LEXO PA REKLAMA!

SHKARKO APP

App Store
Google Play

E fundit!

x

“Është betuar se nuk do t’i lajë borxhet”/ Drejtori i Doganave “nxjerr të palarat” e Irfan Hysenbelliut

22 Korrik 2022, 15:53, Aktualitet CNA
“Është betuar se nuk do t’i lajë borxhet”/
Drejtori i Përgjithshëm i Doganave, Genti Gazheli

Drejtori i Përgjithshëm i Doganave, Genti Gazheli, ka reaguar sërish pas sulmeve të njëpasnjëshme të Irfan Hysenbelliut ndaj tij.

Ashtu siç ka raportuar edhe CNA.al, Gazheli deklaron publikisht se është pronari i mediave “News 24”, “BallkanWeb” dhe gazeta “Panorama”, Irfan Hysenbelliu, ai i cili është hedhur në sulm personal.

Me anë të një statusi në rrjetet sociale, Gazheli shkruan se sulmet e Hysenbelliut kanë ardhur fill pasi “Birra Tirana” është gjobitur për fshehje të të ardhurave në një shumë të konsiderueshme.

Ai thekson se në lidhje me këtë çështje do të informojë edhe trupin diplomatik, edhe shoqatat vendore dhe ndërkombëtare të mediave.

Gazheli deklaron se do ta vlerësojë për ta çuar ose jo në gjyq shantazhin e Hysenbelliut me zyrën juridike, për reputacionin e Doganës Shqiptare.

"Dje nuk përmenda emra, por pronari i "News 24", "BalkanWeb" dhe "Panorama" zoti Irfan Hysenbelliu është betuar që nuk do të m'i falë borxhet që i ka shtetit!

Mediat e tij janë hedhur në një sulm personal me shpifje dhe fyerje personale, sapo "Birra Tirana" ka marrë gjobën e merituar sipas ligjit për fshehje të ardhurash në një shumë të konsiderueshme!

Dje mediat në fjalë, nuk e publikuan reagimin tim edhe pse ai nuk fliste me emër as për ato dhe as për organizatorin e këtij sulmi për shkak të detyrës, zotit Irfan Hysenbelliu!

Sot detyrohem t'i tregoj me gisht dhe të ndaj me publikun se pasi kam informuar autoritetet shtetërore do të informoj edhe trupin diplomatik edhe shoqatat vendore dhe ndërkombëtare të mediave!

Nuk dua të hap për momentin gjyq me zotërinë, për të cilin thuhet kudo se është gjobvënës mediatik, por tani që po e provoj në kurriz egërsinë kriminale të shpifjeve të këtyre mediave do ta vlerësoj me zyrën juridike një gjyq për reputacionin e Doganës Shqiptare!

Me shpresën që mediat e tjera do ta publikojnë këtë deklarim publik, i them zotit Irfan dhe të gjithë irfanëve të tjerë që janë mësuar të shijnë në kurriz të shtetit me maskat e medias, se mua nuk më lëkundin dot në zbatimin e ligjit fiskal!", shkruan Gazheli./ B.A. - CNA.al

“Është betuar se nuk do t’i lajë borxhet”/

 





Lajmet e fundit nga