Porti i Durrësit/ Balluku tregon fazat e projektit, një pjesë i është dërguar NATO-s

22 Korrik 2022, 14:17, Aktualitet CNA

Porti i Durrësit/ Balluku tregon fazat e projektit, një pjesë i

Belinda Balluku

Ministrja e Infrastrukturës dhe Energjetikës, Belinda Balluku, gjatë takimit me kryebashkiakët, ka folur edhe për Portin e Durrësit, duke thënë se është ndërmarrë studim fizibiliteti për shkëputjen e portit komercial për ta dërguar atë jashtë Durrësit.

Ndërkohë, theksoi se po ndërmerren hapat e tjerë procedurialë, ndërsa po vijohet me fazat e tjera të projektit.

Projekti pilot nis nga ura e Dajlanit për t'u përhapur në të gjitha pjesët e tjera të Durrësit.

“Është ndërmarrë studim fizibiliteti për shkëputjen e portit komercial për ta dërguar atë jashtë Durrësit. Pasi ramë dakord që porti i ri në Porto Romano, dy porte të trajtimit të naftës e gazit. Negocim me kompanitë më të mëdha të 'Eagle Hills', nga Muhamet Alabar, kompani me vepra faktike dhe në Ballkan. Investim i kuotuar prej 2.1 mld dollarësh. Investim bashkëpunim mes kompanisë dhe shtetit.

Shteti do kontribuojë përmes tokës, kompania investim financiar. Po ndërmerren dhe hapat e tjerë procedurialë. Është ecur për katër fazat e projektit, projekti pilot për rehabilitimin e pastrimin e zonave që do të bëhen të aksesueshme për qytetarët. Nis nga ura e Dajlanit për t'u përhapur në të gjitha pjesët e tjera të Durrësit. Është dorëzuar dhe drafti final i portit komercial. Kompania holandese 'Royal Haskoning'. Në muajin e fundit kemi pasur edhe një propozim nga kompania “Royal Haskoning”, për të përfshirë një pjesë fundore të një baze militare detare, e cila do jetë në funksion të NATO-s. Kjo pjesë e projektit i është dërguar NATO-s.

U mirëprit me pozitivitet, pasi Durrësi është strategjikisht i rëndësishëm dhe ka pasur kërkesë për 'Pashalimanin'. Faza e parë do nisë pasi ligjit të miratohet në kuvend. Fazat e tjera, sipas dinamikës së lëvizjes së portit të ri komercial. Ai s’do jetë një port i thjesht për nevojat e Shqipërisë, por do akomodojë për disa dekada për të gjitha nevojat e rajonit, si Maqedonia e Veriut dhe Serbia, pasi Kosova do jetë përmes një porti të thatë, lidhja me hekurudhën Durrës-Prishtinë, 60 hektarë portë në pikën fundore të hekurudhës. Zonë industriale të lirë brenda portit, te zona e Spitallës, me 60 hektarë”, tha Balluku./CNA.al