web counter
LEXO PA REKLAMA!

SHKARKO APP

App Store
Google Play

E fundit!

x

Rama “i përvishet” sërish Irfan Hysenbelliut/ Publiko fakte, mos bëj sulme personale

22 Korrik 2022, 18:13, Politikë CNA
Rama “i përvishet” sërish Irfan Hysenbelliut/ Publiko
Kryeministri Edi Rama

Kryeministri Edi Rama ka reaguar sërish në lidhje me sulmet personale të Irfan Hysenbelliut ndaj drejtorit të Përgjithshëm të Doganave, Genti Gazheli.

Duke iu përgjigjur Hysenbelliut, pas shkrimeve në mediat e tij, ku justifikohej për sulmet kundrejt Gazhelit, Rama shpjegon hapur qëndrimin e tij.

Me anë të disa statuseve në “Twitter”, kreu i qeverisë thotë se nuk merret me viktimat e shpifjeve, por me sulmet personale të një pronari medieje, pasi gjobitjes së biznesit të Irfan Hysenbelliut për evasion fiskal.

Kryeministri deklaron se respekton denoncimet e fakteve, por jo sulmet personale dhe i cilëson të çuditshme qëndrimet në mediet e Hysenbelliut.

“Unë u shpreha qartë pa marrë anë. Përkundrazi, thashë se kush është viktimë e një shpifjeje apo shënjestër e një akuze legjitime, duhet të ketë të drejtën minimale të publikimit të opinionit të vet! Dhe siç shihet edhe këtu, kjo nuk ndodh, po vazhdon avazi!

Madje unë s'fola thjesht për këtë grup mediatik që nxjerr "fakte" të 2016-ës pasi pronari i tij gjobitet për fshehje të konsiderueshme të ardhurash në biznesin e tij! Po fola për të gjitha mediat, sepse kjo liria e medias pa të drejtë replike për ato vetë mban erë të keqe shumë!

Sa për "faktet" në thonjëza apo pa thonjëza, sigurisht që Dogana Shqiptare mund dhe duhet të bëjë sqarimet e saj zyrtare, por tjetër një denoncim legjitim i fakteve tjetër sulmi personal ndaj drejtuesit të institucionit, direkt pas marrjes së një ndëshkimi ligjor për evazion!

Asgjë personale, po vetëm logjike dhe parimore. Ligj për shpifjen jo! Ligj për fyerjet e mediave jo! Gjyqe me media e me gazetarë jo! Reagime siç e meritojnë shqip fare në këto raste jo! Po as ankesa për të drejtën e publikimit të qëndrimeve pas një sulmi?! Më duket e çuditshme!”, shkruan Rama./ B.A. - CNA.al





Lajmet e fundit nga