web counter
LEXO PA REKLAMA!

SHKARKO APP

App Store
Google Play

E fundit!

x

“Luli, thur ëndrra me sulltanate”/ Mesazhi i fortë i Majlinda Bregut katër vite më parë, aktual edhe sot

22 Korrik 2022, 10:52, Politikë CNA

“Luli, thur ëndrra me sulltanate”/ Mesazhi i fortë i

Ish-ministrja e Integrimit, Majlinda Bregu, sot Sekretare e Përgjithshme e Këshillit të Bashkëpunimit Rajonal, katër vite më parë ka drejtuar mesazhe të forta në lidhje me drejtimin e Partisë Demokratike.

Në një postim në rrjetet sociale, në vitin 2018, Bregu përcillte mesazhe të forta, që në fakt duket të jenë aktuale edhe sot.

Bregu “kryqëzonte”, Lulzim Bashën, ndërsa shkruante se “Më dukej si një folës i ardhur nga rruga në foltoren e Kuvendit! As nga rruga jo, se në rrugët e një Shqipërie të 1000 halleve, zor se e gjen një person që të përmbledhë te vetja, kaq shumë fodullëk dhe kaq shumë budallallëk në të njëjtën kohë!”.

Gjë që në fakt, duket sikur ta kishte shkruar në lidhje me qëndrimin e djeshëm të Bashës në parlament, që duket se nuk dinte pse ishte aty.

Po ashtu, Bregu e ka quajtur uzurpimin e foltores në atë kohë nga Basha, një tallje të rëndomtë me shqiptarët.

Për Bregun, Basha është njeriu që thur ëndrra me sulltanete, ndërsa politikën e tij e ka vlerësuar si anakronike.

“Edhe për mua që nuk e kam vlerësuar dot kurrë Lulzim Bashën si të denjë për të drejtuar PD-në, “allishverishi” i pandalur "tjetër bën e tjetër thua", shto dhe shfaqjen e sotme në parlament, është tallje e rëndomtë me të gjithë shqiptarët, që edhe pse kombi ndër më të vjetrit në Ballkan ende i duhet të luftojë për të gjetur të ardhmen europiane kundër politikave anakronike e antihistorike që thurin ëndrra me sulltanate.”-shkruante ndër të tjera Majlinda Bregu.

Postimi i plotë:

Shumëkush e mban mend një debat miqësor timin me Aldo Bumçin para 3 vitesh ne Parlament Europian teksa diskutohej për cçeljen e negociatave e anëtarësimin e Shqipërisë në BE!

Shkaku i gjithë situatës ishte qëndrimi hipokrit i Lulzim Bashës. Nuk e ndante dot mendjen nëse të votojë pro tekstit të PE ku përkrahej çelja e negociatave, i jepte pikë qeverisë apo i hiqte pikë opozitës.

E njëjta situatë vazhdoi edhe këto vite. Pro apo kundër çeljes së negociatave nuk mund të jetë gjendja e ndërmjetme mes gjumit dhe zgjimit të opoziteës se nga kjo dilemë për tu përçmuar, humbasin vetëm shqiptarët.

Defaktorizimi i të vetmes garanci që kanë sot Shqiptarët, por edhe rajoni, - mosndaljen e perspektives të europianizimit të tyre,- është qasja më e rëndë për një forcë politike, në pushtet apo opozitë qoftë.

Nuk dua të merrem e t 'i rikthehem qëendrimeve të mia e konfliktit me Lulzim Bashën ndaj çeljes së negociatave. Por,duke  e parë dhe dëgjuar  sot, m’u bë më e vështirë se asnjëherë të njihja partinë në qeverinë e së cilës shërbeva shumë vite me detyren e Ministrit të Integrimit Europian!

Më dukej si një folës i ardhur nga rruga në foltoren e Kuvendit! As nga rruga jo, se në rrugët e një Shqipërie të 1000 halleve, zor se e gjen një person që të përmbledhë tek vetja, kaq shumë fodullëk dhe kaq shumë budallallëk në të njëjtën kohë!

Nuk dinte pse ishte aty. Nga vinte? Çfarë thoshte? Kujt i fliste? Për çfarë gëzohej? Kujt i hidhërohej? Për çfarë ka lobuar e çfarë po pret?!

Kryetari i Partisë Demokratike të Shqipërisë nuk mundet që në një fjali me 10 fjalë, tre i ka gënjeshtra, dy i ka mashtrime, dy i ka sajesa dhe vetëm tre i ka të vërteta gazetash.

Nuk është normale për një vend ku njerëzit presin të shohin vizionin e të ardhmes tek opozita, që kryetari i PD-së që mbart historinë dhe vizionin e asaj partie, që edhe në ditën më të keqe s’ka qënë asnjë sekondë qesharake, si sot, të mos dijë të ngrihet në lartësinë e shpresës së shqiptarëve.

Edhe për mua që nuk e kam vlerësuar dot kurrë Lulzim Bashën si të denjë për të drejtuar PD,-në, “allishverishi” i pandalur "tjetër bën e tjetër thua", shto dhe shfaqjen e sotme në parlament, është tallje e rëndomtë me të gjithë shqiptarët, që edhe pse kombi ndër më të vjetrit në Ballkan ende i duhet të luftojë për të gjetur të ardhmen europiane kundër politikave anakronike e antihistorike që thurin ëndrra me sulltanate.

Mbase e pashmangshme kjo qasje për një personazh të shtatit të Lulzim Bashës, por jo për ata shqiptarë që i kanë ende për zemër fatet e Shqipërisë së vogël në këtë botë të trallisur.

Zoti e ruajt Partinë Demokratike nga ambientim ime idenë se bufonada parlamentare e përjavshme e Lulzim Bashës, është opozitarizëm i vërtetë!!!/CNA.al





Lajmet e fundit nga