web counter
LEXO PA REKLAMA!

SHKARKO APP

App Store
Google Play

Reforma territoriale/ Denaj: Në shtator dalim me përfundime

21 Korrik 2022, 20:41, Politikë CNA
Reforma territoriale/ Denaj: Në shtator dalim me përfundime
Anila Denaj

Reforma territoriale dhe ajo zgjedhore pritet të jenë vëmendja politike e vjeshtës, ndërsa opozita mbetet e përçarë në këtë drejtim.

Oerd Byklykbashi dhe Ivi Kaso akuzuan kolegët e tyre demokratë në komisionin e posaçëm të reformës territoriale se po bëjnë pazare me Ramën. Ata thanë se Rama synon të kthejë rajonet dhe primin me qëllim të fitojë pushtetin në tavolinë. Afati për përfundimin e reformës territoriale është fundi i muajit shtator.

Ndërkohë, qeveria nuk heq dorë nga një tjetër nismë e saj, ajo për amnistinë fiskale pavarësisht se po kundërshtohet nga opozita dhe ndërkombëtarët.

Për këto u diskutuan mbrëmjen e së enjtes në "Debat" në "A2 CNN", ku e ftuar ishte Anila Denaj, bashkëkryetare e Komisionit të Posaçëm për Reformën Territoriale.

“Janë 42 dëgjesa dhe në muajin shtator ne do të dalim me një përfundim. Në dy muaj ne do të bëjmë 42 dëgjesa dhe do të dalim në përfundime. Bashki të mëdha dhe të vogla kanë diferenca. Ka një autonomi financiare, por kjo i bën disa bashki të vogla që të mos kenë të ardhura të mjaftueshme. Hapi i dytë është shërbimi dhe mbulimi i territorit. Ne vijmë me një përmirësim infrastrukture, por edhe shërbim të centralizuar përmes platformave të komunikimit. Ka një program që në Ministrinë e Brendshme që lidhet me decentralizimin dhe ne do të na duhet më shumë kohë se si shkon ky shërbim që do të ndihmonte edhe këto bashki. E treta ka të bëjë me përfaqësimin dhe të tria këto kanë dalë nga dëgjesat.
Ky komision do të dalë me rekomandime shumë të rëndësishme për të përmirësuar çdo gjë që është sjellë nga dëgjesat”, tha Denaj.





Lajmet e fundit nga