web counter
LEXO PA REKLAMA!

SHKARKO APP

App Store
Google Play

“Nuk ka më as çifte bam, as zagarë ham”/ Korreshi ironizon qeverinë: Ka vetëm hashash me nam

21 Korrik 2022, 21:19, Politikë CNA
“Nuk ka më as çifte bam, as zagarë ham”/ Korreshi
Saimir Korreshi

Deputeti i PD-së, Saimir Korreshi, ka ironizuar qeverinë gjatë fjalës së tij në Kuvend.

Nga foltorja, ai është shprehur se nuk ka më as çifte bam, as zagarë ham, por vetëm hashash me nam.

Me tone ironike, Koreshi theksoi se në vend po kërcet kallashi në ditën për diell, sepse sipas tij, kësaj qeverie nuk i dhimbsen njerëzit.

“Shpresoj që me veshjet me pantallona të shkurtra, e shapka me gisht, të keni mundësi të na ndiqni edhe ju që keni shkuar me pushime në plazh. Ministrja foli, por më mori vajza 3 vjet e gjysmë dhe më tha “sa mirë i tregonte përrallat ajo teta”. Nuk ka më as çifte bam, as zagarë ham, por vetëm hashash me nam. E them kështu, sepse ju vendosni vetë çdo gjë, nuk pyesni asnjë lloj kategorie, as ekspertë të kësaj fushe, ju i bëni sipas interesit tuaj. Por, komunistët dhe servilët e partisë, s’e kanë ndaluar asnjëherë. Këtu o zotëri kërcet kallashi ditën për diell, sepse qeverisë juaj nuk i dhimbsen njerëzit, por i dhimbsen rosat, patat e harabelat. Çfarë po bëni o burri i dheut. Keni 10 vite, ku ka deputetë të PS që kërcasin dyfeni mëngjes për mëngjes. Nuk keni bërë asnjë gjë”, u shpreh deputeti./CNA.al





Lajmet e fundit nga