web counter
LEXO PA REKLAMA!

SHKARKO APP

App Store
Google Play

E fundit!

x

Denaj tregon arsyen/ Pse i duhet Shqipërisë amnistia fiskale?

21 Korrik 2022, 22:37, Politikë CNA
Denaj tregon arsyen/ Pse i duhet Shqipërisë amnistia fiskale?
Ish-ministrja e Financave, Anila Denaj

Ish-ministrja e Financave, Anila Denaj, ka treguar arsyen se përse është e nevojshme amnistia fiskale.

Denaj tha në emisionin “Debat”, në A2 CNN, se shqiptarët kanë një numër të madh parash që kanë një diferencë të madhe me realitetin.

Ajo theksoi se ndër të tjera, amnistia vjen si nevojë për ata që punojnë në të zezë si brenda dhe jashtë vendit.

“Në 30 vitet e fundit, ne kemi parë se si shpesh për nevojën për të krijuar një anashkalim të pagimit të taksave ka një numër të caktuar biznesesh që kanë bërë evazion fiskal. Të gjithë ata që kanë punuar në punë të zezë, si brenda ashtu edhe jashtë vendit, kanë një numër të madh parash që kanë një diferencë të madhe me realitetin. Dua të them që rehabilitimi i aseteve nuk është diçka që ndodh vetëm në Shqipëri. Në historinë e vendeve të tjera, por edhe atyre fqinje kanë ndodhur amnisti edhe në vitet e fundit.

Nuk mundet që opozita të hedhë sulme për diçka që e ka propozuar edhe vetë. Opozita shumë mirë që e kundërshton, por të sjellë edhe argumente se pse e kërkoi në vitin 2011. Qeveria është e bindur, nevoja për amnistinë është e qartë. Nuk ka biznese sot në Shqipëri, ato të pastrat, që nga 1 janari nuk marrin dot as kredi, pasi ka diferenca. Italia nuk ishte në të njëjtin tranzicion dhe e bëra amnistinë”, deklaroi ish-ministrja./  B.A. – CNA.al





Lajmet e fundit nga