web counter
LEXO PA REKLAMA!

SHKARKO APP

App Store
Google Play

Ndalimi i gjuetisë/ Açka: Ja çfarë fsheh qeveria pas moratoriumit

21 Korrik 2022, 21:45, Politikë CNA
Ndalimi i gjuetisë/ Açka: Ja çfarë fsheh qeveria pas
Deputetja e Partisë Demokratike, Flutura Açka

Deputetja e Partisë Demokratike, Flutura Açka, ka sulmuar qeverinë në lidhje me shtyrjen me 5 vite të moratoriumit për ndalimin e gjuetisë.

Açka tha nga foltorja e Parlamentit se ky ligj është një lëvizje e qeverisë për të fshehur parcelat e hashashit.

Sipas saj, një shtet që nuk siguron mirëqenie për njeriun, nuk mund të jetë habitat i sigurt për zogj e kafshë.

“Nuk po flas për shpërthimet për krap në Shkodër që shpesh mbështeten edhe nga policia se u hapet ndonjë ngjalë, nuk po flas as për gjahtarët italianë që hynin si në shtëpi të tyre që organizoheshin nga familjari i një eksponenti të lartë të partisë tuaj.

Zogjve u shpëtuan puplat vetëm kur ky familjar i la puplat kësaj bote. Një moratorium që mbron mjedisin është mrekulli, por prej jush nuk e pranoj dot. Mjafton të kujtoj kodrën që po gërryhet me tërbim në rreth rrugës për në Elbasan.

Po ta kishit merak gjuetinë do të nxitonit të bënit një ligj të mirë, nuk do të llogarisni turistë që shtohen nga veprimtaria e këtij ligji, ato të zonave të mbrojtura. Pas këshillimit publik që morët leje për kanabisin mjekësore e patë të nevojshme të zgjasnit edhe ndalesën. Pallavra më e madhe.

Pse e bëni ligjin kur në 2014 keni gjobitur 30 persona, në 2019-ën 12 e në 2020 vetëm 4 persona. Pra keni rekorde shumë të mira, ose nuk keni bërë punë fare…

Ligji është bërë vetëm për vete dhe miqtë tuaj për të dalë bukur para Europës dhe ngastrat tuaj të kanabisit të mos bien shumë në sy e të mos mundoheni ti ruani. Një shtet që nuk siguron mirëqenie për njeriun si do jetë habitat për zogj e kafshë”, është shprehur ajo./ B.A. - CNA.al





Lajmet e fundit nga