web counter
LEXO PA REKLAMA!

SHKARKO APP

App Store
Google Play

E fundit!

x

“Plas” në Kuvend/ Zhupa akuza Kumbaros, ministrja “u qan hallin” studentëve

21 Korrik 2022, 21:21, Politikë CNA
“Plas” në Kuvend/ Zhupa akuza Kumbaros, ministrja “u qan
Ministrja e Turizmit, Mirela Kumbaro

Seanca e sotme parlamentare është shoqëruar me debate mes deputetes së PD-së, Ina Zhupa, dhe ministres së Turizmit, Mirela Kumbaro.

Zhupa ngriti akuzat se Kumbaro shkel gjithmonë Kushtetutën dhe ligjin, duke bërë atë që nuk e mendon njeri se mund ta bëjë.

“Mirela Kumbaro është një garanci, që gjithmonë do të ketë një shkelje kushtetuese në çdo veprim që bën. E ka treguar në çdo dikaster, që arrin të shkelë Kushtetutën, të shkelë ligjin, arrin të bëjë atë që nuk e mendon njeri se mund ta bëjë. Është shumë mirë në kostumin e shkeljes së Kushtetutës. Nëse do t’i kishte përzemër organizatat joqeveritare që merren me mbrojtjen e kafshëve të egra, me siguri nuk do ta kishin ndërtuar Aeroportin e Vlorës në një zonë, ku shfarosin aq shumë shpendë të rralla. Po bëni masakër”, u shpreh ajo.

Ndërkohë, Kumbaro iu përgjigj me ironi, teksa deklaroi se ua qan hallin studentëve, që e kanë pedagoge Zhupën.

“Ç’të të them, ishte... po dale mo dale se u përpoqa të përmblidhja 3 mesazhe. Një përçartje e kuptoj pas një ditë të gjatë edhe mund të jeni lodhur, po pa kryefjalë, pa kundrinorë, pa sintaksë, pa morfologji, më mori malli për kohën kur isha pedagoge dhe mundohesha të gjeja një cep për t’u dhënë studentëve një notë më të mirë. Por nuk e gjeta se ishte një përçartje totale. Meqë ke qenë edhe pedagoge, je pedagoge problemi nuk e kam te banaliteti i fjalës, kur banalizohet fjala bëjmë të gjithë si ekspertë, zoologë, të hidrologjisë, detit, malit, fushës, satelitëve. Thjeshtë qaj hallin e studentëve që ju kanë pedagoge”, theksoi ministrja./ B.A. – CNA.al





Lajmet e fundit nga