web counter
LEXO PA REKLAMA!

SHKARKO APP

App Store
Google Play

Berisha tregon pse nuk votoi kundër “Dick Martyt”/ Përgëzon edhe Grida Dumën

22 Korrik 2022, 12:23, Politikë CNA

Berisha tregon pse nuk votoi kundër “Dick Martyt”/

Ish-kryeministri Sali Berisha, në konferencën e përjavashme për shtyp, ka hedhur dritë se pse nuk votoi dje në Kuvend, kundër raportit të Dick Marty-t.

Sipas tij, dje ishte gjithçka një skenar.

 “Ai de fakto ishte parlamenti i një republike vasale të Serbisë. Dje Edi Rama paraqiti në parlament një rezolutë ku dënohet me të drejtë raporti i Dick Marty-t, por sikur është bërë publike që nga viti 2011 deri më sot ky raport është i shkruar në masën 80% nga Vladimir Vuçeviç, prokuror në Serbi. Këtë e pohon vetë ai. Ky fakt dhe një fakt tjetër shumë i rëndësishëm.

Transplantin e organeve nuk e ka përmendur në gjykatën e Hagës as Millosheviçi. Kjo dëshmonte se ky ishte një fabrikim i shërbimeve serbe në mënyrë që duke akuzuar për një krim kundër njerëzimit, shkulja e organeve dhe shitja e tyre, me këtë akuzë stepeshin të tjerët dhe si të thuash shtonin çështjen e hetimit të problemit. Gjithçka ishte garantuar në Beograd. Ashtu si akuza se udhëheqësit e UÇK-së kanë drejtuar një organizatë kriminale”, është shprehur Berisha.

Sipas tij, këtë gjë mund ta thotë vetëm Beogradi dhe nuk ka asnjë logjikë dhe mundësi të krahasosh një ushtri çlirimtare me një organizatë terroriste.

“Edhe nëse janë kryer krime të dënueshme nuk mund të formulohet një aktakuzë e tillë. Por në mënyrën më të padenjë Edi Rama përdori një fjalor që nuk mund ta përdorë kurrë një zyrtar para kamerave, në prani të një kolektiviteti, por në prani edhe të askujt.

E bëri këtë për dy arsye. Për të mbuluar refuzimin nga a e tij të rezolutës për dënimin e gjenocidit serb në Kosovë. Dhe për të njëjtin motiv, për të mos lidhur atë që kanë lidhur vetë serbët. Raportin e Dick Marty-t me Beogradin”, ka thënë më tej Berisha.

Më tej ai ka dënuar gjuhën e përdorur në seancën e djeshme nga kryeministri Edi Rama, ndërsa përgëzoi përgjigjen e deputetes së PD-së Grida Duma.

“E përgëzoj zonjën Grida Duma për përgjigjen që i dha dhe të merituar. Shpreh mosaprovimin tim për kryetaren e parlamentit”, u shpreh Berisha./CNA.al





Lajmet e fundit nga