E fundit!

09:23 Kosova & Bota

Shqipëria avancon në negociatat me BE-në, sot hap i ri drejt integrimit europian

Shqipëria shënon një tjetër moment të rëndësishëm në rrugë...

Pse po bëhet opozitar Irfan Hysenbelliu?!

12 Korrik 2022, 20:41, Aktualitet CNA

Irfan Hysenbelliu

Irfan Hysenbelliu, ish-kapteri i diktaturës, i cili u pagua me paratë e inceneratorëve, së fundi ka nisur një sulm ndaj qeverisë duke marrë rolin e opozitarit.

Nëse do t'u hedhim një sy gazetave kombëtare, gazeta "Panorma" dhe gazeta "Shqiptare", të dyja janë hapur sot me ‘një konferencë shtypi të opozitës’ me fokus te skandali i inceneratorëve.

Por kompania “Focus Group”, e Irfan Hysenbelliut që përfshin televizionin “News 24”, “Balkanweb”, etj, ka marrë miliona lekë nga inceneratorët.

CNA.al ka raportuar më herët me fakte se si të dhënat zyrtare tregojnë se “Focus Media News” sh.p.k, K21909002K, ka marrë pagesa sistematike nga kompanitë e inceneratorëve.

Vetëm në gjysmën e parë të 2021-shit “Focus Media News” ka marrë gati 100 milionë nga kompania e Klodian Zotos, të inceneratorëve.

Por çfarë ndodhi sot me Irfan Hysenbelliun që ka marrë rolin e opozitarit. Media e tij ka vendosur të bëhet opozitare. Shumë mirë bën “më në fund”, po kupton rolin e saj, por para se të ndërrojë qasje për t'u bërë opozitar duhet të sqarojë çfarë u bë me paratë që mori nga inceneratorët.

Apo nuk i mjaftuan ato para për të paguar borxhet që ka ndaj shtetit te tatimet.

I zhytur në borxhe te tatimet deri në fyt, Irfani me mediat e tij po bën opozitarin duke sulmuar çdo njeri dhe çdo gjë që i del para.

Ka disa ditë që “sulmin” përveçse tek inceneratorët, ndaj qeverisë e ka filluar edhe me rrugët.

Çudi, Irfani po flet dhe sulmon qeverinë te rrugët!

Mos ka ndonjë hall tjetër që i bën presion qeverisë dhe hap gazetat e gjoja bën investigime për rrugët e Shqipërisë!

Siç duket ende nuk e ka zgjidhur çështjen e 2 miliardë lekëve që ka borxh te tatimet sipas deklaratave të tij tatimore.

Me sa duket shteti si ka premtuar asnjë klauzolë për të shpëtuar veten nga litari që ka në fyt.

Për të shpëtuar nga “laku në qafë” Irfani ka nisur sulmet dhe të bëjë opozitarin, por më parë duhet të tregojë sa para mori nga inceneratorët dhe pastaj të dalë dhe të bëjë rolin për të cilin kërkon vëmendjen e shqiptarëve, rolin me mediat që investigon abuzimet qeveritare./E.T-CNA.al