LEXO PA REKLAMA!

SHKARKO APP

E moshuara që mbledh kanaçe paraqitet në SPAK/ Figuronte biznesmene në kompanitë e inceneratorëve

12 Korrik 2022, 14:13, Aktualitet CNA

E moshuara që mbledh kanaçe paraqitet në SPAK/ Figuronte

SPAK ka urdhëruar sot pezullimin e disa kompanive, të lidhura me skemën e inceneratorëve, të denoncuara për evazion fiskal.

Ndërkohë, sot pranë ambienteve të SPAK-ut, është paraqitur edhe një nga shtetaset e përmendura nga kryetarja e LSI-së Monika Kryemadhi, e cila sipas saj, figuronte si biznesmene në një nga këto kompani.

Bëhet fjalë për shtetasen Merita Hajdari, e cila prej vitesh mbledh kanaçe për të siguruar jetesën. Por, sipas LSI-së, pas falsifikimit të firmës, ajo rezulton pronare e një firme fiktive e përdorur për skemën e inceneratorëve.

Hajdari është vetëm një prej emrave të shumtë që dalin në aferën e inceneratorëve, ku mes tyre ka azilantë, çobanë, të cilët kanë nisur prej ditës së sotme të paraqiten në SPAK.

Ajo është paraqitur në dyert e SPAK bashkë me djemtë e saj pasi ka dëgjuar që emri i saj të lakohet në media./CNA.al

Lajmet e fundit nga