LEXO PA REKLAMA!

SHKARKO APP

Gazment Bardhi harron vrasjen në Elbasan/ I kthehet shtëpisë së barit në Holandë

12 Korrik 2022, 11:25, Aktualitet CNA
Gazment Bardhi harron vrasjen në Elbasan/ I kthehet shtëpisë
Deputeti i PD-së, Gazment Bardhi

Gazment Bardhi, deputeti i PD-së, është shfaqur i shqetësuar sot, për një “shpi bari” në Holandë, për të cilën është arrestuar ushtaraku, Ermala Dinoshi.

Bardhi gjatë mbledhjes së Komisionit të Ligjeve  ka kërkuar llogari  nga Ministria e Mbrojtjes se çfarë hapash ka ndërmarrë për këtë rast dhe a kanë dijeni për raste të tjera.

“Një oficer i ushtrisë shqiptare që është atashuar pranë operacionit të NATO në Holandë, që veç detyrës së tij si ushtarak, pasi mbaronte punën e hiqte veshjen ushtarake ishte angazhuar në trafikim të lëndëve narkotike. Ka patur një deklaratë të Ministrisë së Mbrojtjes, që në fakt nuk sqaronte asgjë, vetëm se i kishte bërë thirrje ushtarakut të kthehet në atdhe. Ishte administrator ai i shtëpisë së barit në Holandë. Dua të di cilat ishin veprimet e policisë ushtarake? A ka patur Ministria informacion mbi veprimtarinë kriminale të ushtarakut? Çfarë veprimesh ka kryer SHIU, a keni informacione për zyrtarë të tjerë të përfshirë në veprimtari të tillë?”, ka pyetur Bardhi.

Zv/ministrja e Mbrojtjes, Dallëndyshe Bici e ka sqaruar  se Ministria do të ndjekë të gjitha hapat ligjorë, duke nënvizuar se ushtaraku i arrestuar do të mbajë përgjegjësi individuale.

Ndërsa deputeti socialist Pandeli Majko, ka thënë se Bardhi nuk ka njohuritë e duhura për të kërkuar llogari për këtë rast.

“Zoti Gazi i shërben atij brezi që nuk e ka shërbyer ligjin e detyrimit ushtarak ndaj nuk e njeh mirë strukturën. S’kemi të bëjmë me ngjarje që prek të gjitha strukturat e ushtrisë”, është shprehur Marku.

Kujtojmë se Gazment Bardhi është lakuar për nxitjen e vrasjes së Pjerin Xhuvanit, në Elbasan me 21 Prill 2021./CNA.al

Lajmet e fundit nga