web counter
LEXO PA REKLAMA!

SHKARKO APP

App Store
Google Play

E fundit!

x

“U kërcënova dhe u mbajta me forcë”/ Shqiptari arrestohet brenda në shtëpi bari në Angli

11 Korrik 2022, 22:28, Aktualitet CNA
“U kërcënova dhe u mbajta me forcë”/ Shqiptari
Shtëpi bari në Angli

Një shtetas shqiptar që dyshohet se shndërroi biznesin në shtëpi bari, është arrestuar nga autoritetet angleze. I arrestuari është Bajram Kolaneci, ndërsa policia zbuloi shtëpinë e barit mbi ish-qebaptoren më të famshme në zonë, e cila ishte bosh në atë kohë. Gjatë kontrollit, oficerët gjetën brenda Kolanecin së bashku me një burrë tjetër, ndërsa zbuluan gjithsej 686 bimë kanabis. Vlera e tyre ishte midis 48,000 dhe 197,000 £.

Pasi u arrestua, Bajram Kolaneci ka thënë përballë oficerëve se ka qenë i detyruar për shkak të borxheve. Ai ka thënë gjithashtu se kishte qenë në “Port Talbot” për gjashtë muaj dhe kishte tentuar të largohej, por “u kërcënua me armë dhe u fut me forcë brenda”.

63-vjeçari, pa vendbanim të caktuar, u paraqit në Gjykatën Sëansea Croën pasi pranoi se prodhonte kanabis.

 “Ai është një emigrant i paligjshëm në këtë vend. Ai erdhi në Britani për të gjetur punë dhe për të përmirësuar jetën e tij. Ai ka një vajzë dhe grua në Shqipëri që varen prej tij dhe nuk punojnë . Ai e ka pasur shumë të vështirë të gjejë punë ndërtimi në Shqipëri prandaj ka udhëtuar në këtë vend. I pandehuri më thotë se është i sëmurë dhe diabetik dhe ka rrahje zemre të çrregullta. Kolaneci ka punuar për ata që ishin më lart për një shpërblim të vogël. Atij i vjen shumë keq për sjelljen e tij dhe e pranon atë që bëri ishte e gabuar dhe i vjen keq që u përfshi në këtë sipërmarrje”, ka thënë avokati i shqiptarit. Në përfundim të gjykimit, Kolaneci u dënua me 2 vjet e tetë muaj burg", ka deklaruar shqiptari./CNA.al





Lajmet e fundit nga