E fundit!

09:23 Aktualitet

Shqipëria avancon në negociatat me BE-në, sot hap i ri drejt integrimit europian

Shqipëria shënon një tjetër moment të rëndësishëm në rrugë...

Dumani kërkon karrigen e Arben Krajës/ A do të ndiqet porosia e Bujar Sheshit?

11 Korrik 2022, 10:56, Aktualitet CNA

Dumani kërkon karrigen e Arben Krajës/ A do të ndiqet porosia e

Kreu i Strukturës së Posaçme Antikorrupsion, Arben Kraja

Kreu i Strukturës së Posaçme Antikorrupsion, Arben Kraja, është në fund të mandatit si drejtues.

Ai u zgjodh në krye të SPAK-ut, me 18.12.2019, nga Këshilli i Lartë i Prokurorisë me një mandate trevjeçar.

Në garë në atë kohë për kreun e SPAK-ut ishin edhe prokurorët, Edvin Kondili dhe Altin Dumani, të cilët dorëzuan pranë Këshillit të lartë të Prokurorisë letrën e motivimit, letrën mbështetëse dhe vizionin ose planin e besueshëm për ndërtimin e Prokurorisë së Posaçme si një institucion funksional dhe efektiv.

Prokurori, Altin Dumani

Zyrtarisht nuk ka një kandidat për të garuar për kreun e SPAK-ut, por të përfolur janë dy emra, Altin Dumani dhe Edvin Kondili.

Prokurori Edvin Kondili

Të dy kanë garuar për këtë post edhe në vitin 2019, por KLP-ja vendosi të zgjidhte Krajën.

Pas votimit në 2019-ën, gjashtë anëtarët Sandër Beci, Vatë Staka, Kostaq Beluri, Bujar Sheshi, Alfred Balla dhe Nurihan Seiti kanë arsyetuar mbështetjen e tyre për Arben Krajën.

Anëtari i KLP-së në atë kohë, Sandër Beci ka theksuar se eksperienca në hartimin e rregulloreve administrative dhe formimi ekonomik i kanë dhënë avantazh Krajës në raport me dy kandidatët e tjerë Altin Dumani dhe Edvin Kondili për drejtimin e SPAK-ut.

Ish-anëtari i KLP-së, Sandër Beci

Ndërsa anëtari i KLP-së, Kostaq Beluri, ka treguar se ka penalizuar Dumanin dhe kandidatin tjetër Edvin Kondili.

“Unë kam dhënë pikë maksimale për të tre kandidatët në 7 kriteret e vendosura, me penalizmin për kandidatin Edvin Kondili në kriterin e dytë, tek eksperienca e aftësive të organizimit dhe të drejtimit të një strukture. Kam penalizuar kandidatin Altin Dumani me një pikë te kriteri për vizionin dhe planin e besueshëm për drejtimin e një strukture, nga fakti që gjatë intervistës kandidati Dumani, kur iu kërkua për të dhënë një përshkrim të vizionit të tij për organizimin e punës brenda SPAK-ut, unë vlerësoj se nuk ishte i saktë kur vizionin e tij e shihte që për çdo dosje që çonte në gjykim duhej një analizë e përbashkët mes oficerëve dhe prokurorëve, në një kohë kur prokurorët janë të pavarur”, është shprehur Beluri.

Ndërsa Bujar Sheshi ka sugjeruar që Altin Dumani dhe Edvin Kondili të garojnë për mandatin vijues, që i bie këtë vit.

Anëtari i KLP-së, Bujar Sheshi

A do të ndiqet porosia e Bujar Sheshit dhe Dumani e Kondili të jenë në garë për kreun e SPAK-ut apo ambicia ka "ndezur" edhe të tjerë prokurorë në SPAK?/CNA.al