web counter
LEXO PA REKLAMA!

SHKARKO APP

App Store
Google Play

E fundit!

x

Kërcënoi Arben Krajën/ Prokuroria e Tiranës pushon hetimet për 24-vjeçarin

9 Korrik 2022, 20:54, Aktualitet CNA
Kërcënoi Arben Krajën/ Prokuroria e Tiranës pushon hetimet
Kreu i SPAK-ut, Arben Kraja

Prokuroria e Tiranës ka pushuar hetimet dhe ka kërkuar mbylljen e çështjes ndaj 24-vjeçarit që kërcënoi kreun e SPAK-ut, Arben Kraja.

Pushimi i hetimeve erdhi pasi aktekspertiza vërtetoi se i riu vuan nga çrregullimi bipolar.

24-vjeçari, kërcënoi në "Twitter"-in e ambasadës së SHBA-së, më 25 tetor të 2021-shit, Arben Krajën, teksa shkruante: “Do të fus bombën në gojë ty dhe do t’i bie familjarët në arkmort nëse nuk vazhdon të mos veprosh ndaj SHISH”.

Kjo deklaratë e tij vuri në lëvizje institucionet, pasi antiterrori kishte dyshime se i riu kishte kërcënuar edhe herë të tjera zyrtarë në detyrë.

Nga ana tjetër, 24-vjeçari ka pretenduar se SHISH e ka akuzuar si agjent të CIA-s, ndërsa edhe para prokurorisë ka kërkuar që ky institucion të hetohej nga SPAK dhe BKH.

“Jam kundër marrjes së kësaj dëshmie nga vartësit e Gledis Nanos, që më herët ka dashur të më arrestojë kur ishte në krye të antiterrorit”, ka deklaruar ai.

Ndërkohë, për këtë dosje nuk është hedhur ende shorti i trupës gjykuese, e cila do të vendosë nëse çështja do të pushohet ose jo./ B.A. – CNA.al





Lajmet e fundit nga