web counter
LEXO PA REKLAMA!

SHKARKO APP

App Store
Google Play

Meta pret përfaqësues të komunitetit arbëresh: Jetike për mbrojtjen dhe forcimin e identitetit tonë kombëtar

9 Korrik 2022, 17:28, Aktualitet CNA
Meta pret përfaqësues të komunitetit arbëresh: Jetike
Presidenti Ilir Meta me përfaqësuesit e komunitetit arbëresh

Presidenti i Republikës, Ilir Meta, ka pritur në Presidencë përfaqësues të komunitetit arbëresh, konkretisht nënkryetarin e Bashkisë Arbëreshe të Ururit, Molise, z.Emiliano Plescia dhe Këshilltarin për Kulturën të kësaj bashkie, z.Roberto Anzivino.

‘Është mbresëlënëse dhe frymëzuese të njihesh me përpjekjet e tyre për të trashëguar brez pas brezi gjuhën, kulturën dhe traditat e "Motit të Madh" të Gjergj Kastrioti Skënderbeut, që meritojnë sa më parë të bëhen pjesë e UNESCO-s.

Jetike për mbrojtjen dhe forcimin e identitetit tonë kombëtar të mbështesim dhe ndihmojmë arbëreshët të ruajnë këtë pasuri të vyer historike dhe kulturore, vlerë e përbashkët e Shqipërisë dhe Italisë mike’, shkruan Meta në "Facebook".

Postimi i plotë i Ilir Metës:

?????????????????? Takimet me përfaqësues të komunitetit shumë të dashur arbëresh janë gjithmonë emocionuese. I lumtur të prisja ngrohtësisht Nënkryetarin e Bashkisë Arbëreshe të Ururit, Molise, z.Emiliano Plescia dhe Këshilltarin për Kulturën të kësaj Bashkie, z.Roberto Anzivino.

Është mbresëlënëse dhe frymëzuese të njihesh me përpjekjet e tyre për të trashëguar brez pas brezi gjuhën, kulturën dhe traditat e "Motit të Madh" të Gjergj Kastrioti Skënderbeut, që meritojnë sa më parë të bëhen pjesë e UNESCO.

Jetike për mbrojtjen dhe forcimin e identitetit tonë kombëtar të mbështesim dhe ndihmojmë arbëreshët të ruajnë këtë pasuri të vyer historike dhe kulturore, vlerë e përbashkët e Shqipërisë dhe Italisë mike.

E mirëprita me shumë kënaqësi ftesën për të vizituar Bashkinë e Ururit dhe do të kontribuoj me shumë dashuri për pasurimin e bibliotekës së saj me libra dhe botime në gjuhën shqipe./CNA.al





Lajmet e fundit nga