web counter
LEXO PA REKLAMA!

SHKARKO APP

App Store
Google Play

Shteti merr në përdorim “makinat e krimit”/ OFL “furnizon” Elisa Spiropalin, SPAK-un, KLGJ-në dhe policinë

8 Korrik 2022, 14:19, Aktualitet CNA
Shteti merr në përdorim “makinat e krimit”/ OFL
Foto ilustruese

Disa nga makinat e konfiskuara gjatë operacionit “Forca e Ligjit”, që janë provuar me vendim gjykate se janë krijuar përmes parave nga aktiviteteve kriminale, i kanë kaluar në përdorim shtetit.

Sipas gazetarit të "Report TV", Arsen Rusta, ministrja e Shtetit për Marrëdhëniet me Parlamentin, Elisa Spiropali, Prokuroria e Posaçme Anti Korrupsion dhe Këshilli i Lartë Gjyqësor janë ndër subjektet që kanë marrë në përdorim automjete të konfiskuara nga operacioni “Forca e Ligjit”, struktura e të cilit, me të njëjtin emër, e ka përmbyllur funksionin e saj para më shumë se 2 vitesh.

Në raportin e Agjencisë së Aseteve të Sekuestruara e Konfiskuara rezulton se ministrja Spiropali ka marrë në përdorim një automjet "BMV" vit prodhimi 2009, ndërsa Këshilli i Lartë gjyqësor një "BMV" vit prodhimi 2012.

Mes përfituesve është SPAK-u me dy automjete, ndërsa Drejtoria e Policisë së Tiranës ka përfituar një fuoristradë të konfiskuar. OFL e mbylli misionin e saj më 31 dhjetor 2020 dhe nuk dërgon më formularë te subjektet, ndërsa ato procese të hapura në SPAK dhe GJKKO vazhdojnë edhe përtej këtij afati.





Lajmet e fundit nga